[人性] [感情事]我不會講你知，其實是第幾次: 驗孕

我同Bobo係到計安全期，但係發現根本冇乜用。 
因為Bobo經期唔準... 
所以我地最後都係決定買事後丸食。 

我打左俾我老友樂仔。 
"喂樂仔，有D野想問你..你知唔知邊到有得買事後丸？" 

"唔係呀嘛，咁快攪掂Bobo？叻仔喎！報告報告！處係咪好正先？" 

"嗯，Bobo唔係第一次呀....唔好講呢D住啦！知唔知邊到有得買？"我講完都有少少唔開心。 



"嘩！睇佢唔出喎平時斯斯文文架！有呀我有相熟既藥房呀。" 

就係咁，我去左買藥俾Bobo食。事情暫時告一段落。 

講起Bobo唔係處，其實我係一早就知道既。 

Bobo之前拍過拖，佢都好坦白同我講佢比左佢之前既男朋友。 
我話就話唔介意，但係原來同佢發生左第一次之後，我先知道原來自己都有少少唔中意。 
鬼咩？自己既初戀，總係對方係處。 


不過點都好，我愛Bobo，我知道呢D小事唔會阻礙到我同Bobo既發展。 
呢個係我第一個女人，我要對佢從一而終，跟住結婚。 

有一日，Bobo打俾我。 
"Hugo呀，我仲未黎呀..." 一聽都知Bobo好緊張。 
"BB唔洗驚，你平時都唔準架嘛。" 
"如果有左點算呀？唉..." 
"唔會既，如果你驚，我地去驗一驗？"其實我自己都好驚。 

如是者，我地去左買驗孕棒。 


我呢世都記得個收銀男仔望住我係到偷笑。 

等結果出個幾分鐘真係好似等緊放榜咁。 
緊張到仆街。