[人性] [感情事]我不會講你知，其實是第幾次: I SEEK YOU
“喔噢…喔噢…喔噢…喔噢…”
如果你同我生於同一年代，你就會對ICQ既喔噢幾咁熟悉。
除左普通既基本資料外，好多人都好中意係 “ABOUT” 打一篇水蛇春咁長，又懶係感性既文係到。
個時除左會同同學傾計之外，又會利用搜尋既功能，搵一D唔識女仔傾計。
特別係我個區好多女校！
結果儲儲埋埋就有一堆會傾計，但又未見過面既女仔。
中三個年，有一日。
“喂Hugo，同你傾左咁耐，都唔知你咩樣，有冇相睇下呀？” Bobo問我.
Bobo就係我係網上識既其中一個女仔。
關於Bobo，我個陣知既都唔係太多，淨係知佢係隔離女校既學生，細我一年。
相都睇過既，係佢同同學仔既合照。
佢都算幾靚女，高高瘦瘦咁，唯有缺點係冇乜身材，可惜。
“咁樣衰，廢事嚇親你，你唔同我傾計啦。點呀放假有咩做呀？” 我扯開話題。
“車，次次問你都唔SEND。冇呀約左呀哥唱K咋。” 佢答我。
Bobo另外一個缺點係，佢有好多個呀哥。
佢成日同我講佢同呢個呀哥點點點，第個呀哥又好錫佢。
岩岩識佢個時我都忍唔住問佢: 你娘親係母豬黎架？點解你咁多呀哥？
我俾佢鬧左好耐，話係ICQ識既契哥喎。
我恍然大悟，仲鬧左佢一句，淫娃蕩婦。