想食女基督徒?其實唔難: 58

吃飯前，我還擔心家恩師姐會因為失戀的事情而食慾不振，但看著她把龍蝦湯一羹一羹的舀進口中，最後喝得一點也不剩，我便瞬間放下了心頭大石。

接著爵士樂團亦開始現場演奏，先是微微的鼓聲作引子，然後其他樂器亦同時稍稍加入，編制出一個又一個動人的旋律，聽得客人們都如癡如醉。這時家恩師姐輕輕閉上了眼睛，似是要專心傾聽著每一個音符所帶來震動。最後樂團以一段精彩的saxophone獨奏來完結第一首曲子，整個餐廳立時掌聲四起...

「好精彩...」家恩師姐道，眼光仍被舞台吸引著。

「嗯...」我說，但其實我不太懂欣賞。

「平時我都係聽開classical，但一直覺得Jazz都好唔錯，今日終於可以現場聽一次，感覺都真係好好」她一臉興奮地道。





「我都覺得好唔錯...」我勉強地回答點東西。

「嗯，好期待嚟緊演奏」她說。

樂團又緊接著演出一首節奏緩慢的藍調，侍應生亦在這個時候為我們送上主菜。我替家恩師姐點了一份香煎銀鱈魚配櫻桃醬汁，自己則是一份簡單的五分熟的新西蘭羊架...

「嘩，你點知我最意食cherry嫁？」家恩師姐一臉驚訝地道。

「我有留意開你Instagram...」我有點不好意思地道。





「好sweet啊你」她說，並笑得十分燦爛。

接著我們便開始低頭進食，但我留意到每次侍應生為旁邊客人添酒時，家恩師姐都會抬頭瞥一下，於是我便開口道「想飲酒？」

她聽見後便微微點頭道「嗯...今日突然想飲少少...」

「好，等我幫你問下舅父」我說，並託侍應生幫我找舅父過來。

很快舅父便走了過來，並搭著我的肩膀道「點啊，係咪啲野唔啱食？」





「唔係啊，啲嘢好好食啊」我說。

「咁仲有咩事？」他說。

「Um...Bernice話想飲少少酒...」我說。

「無問題吖，咁開支05年嘅chateau ausone比你地」他說。

「會唔會太貴？我地都係飲少少...」我說。

「唔會，支酒都係我前晚喺你屋企噠返嚟嘅」他說。

「吓...？」我被他的說話嚇呆了。

「哈哈哈，講下笑咋傻仔」他笑著我說，家恩師姐也十分有儀態地掩著嘴笑了出來，弄得我尷尬得滿臉通紅。但如若可以搏得她的紅顏一笑，我便不介意當個可笑的小丑...