死後，我成為了地府的牛頭馬面: 10.3

「阿南！你聽大佬講！」

「兄弟如手足，女人如衣服啊南仔！你為左個女人咁樣兇大佬？你識唔識分尊卑？你仲記唔記得自己係關二哥面前講過咩野？」威哥得知勢色不對，逐以大佬身份欺壓浩南。

關二哥真的很忙，無論警察還是黑社會也需要他。

義氣二字被威哥偷換概念，合理化所有惡行，浩南既糊裡糊塗不懂反駁。

「大佬......但係佢係我老婆......你都冇理由......」一提及義氣，浩南變得結結巴巴。





「係啊！我係你大佬，你死左之後，我幫你睇住個老婆係唔係唔得？我唔將佢變成我老婆，我又點睇住佢？」威哥振振有詞。

可悲的李浩南對凡間的思念竟換來如此下場，而他卻不自知。

究竟他尚未夢醒還是不肯夢醒？

我只知道所謂的黑幫義氣只是浮雲，亦是偷兄吃弟的工具，可憐的是仍有不少人中計。

李浩南就是其中之一。





「你死左之後，我幫你風光大葬，仲要比左幾十個安家費比你老婆。生前有咩大茶飯我都預埋你，如果唔係我，你會咁快睇住幾個場？」威哥口裡說是為了李浩南設想，口若懸河。

威哥閃縮的眼神流露出不堅定，反映故事不是記憶而是虛構。

大概只有我與馬面能洞悉箇中真偽，李浩南仍像傻子一樣信奉自己的老大。

所謂的義，就是上面一個「羊」下面一個「我」，我是羊，在殘酷的江湖中，羊往往是難以生存。

看著李浩南痴痴相信老大所編寫的謊言，我為他頓感不忿。





可是我不能為他做所任何事情。

「大佬......對唔住......係我既錯！」李浩南身子微微彎曲，向威哥道歉。

威哥展露出安心的微笑，隨即強行從眼眶擠出淚水。

是混合虛偽與快樂的淚水。