死後，我成為了地府的牛頭馬面: 7.15

我知道，這是馬面的故事。

一個埋藏在他內心深處，過往不願與人分享的故事。

這個回憶，影響了他，令他不再讓回憶影響自己。

「五年之前，有一個亡者黎到地府報到，當時閻羅王評價佢在生既時候立下不少功勞，但同時亦都因為咁而傷害過唔少既人。」

「閻羅王問佢願唔願意做新一任既馬面，為自己過往犯下既錯作出補救。」





馬面深了一下呼吸。

「當時呢位亡者覺得好奇怪，佢唔明自己錯係邊到，佢在生時，立下咁多功勞，點解死後唔係直上天堂，而係要做馬面。」

「閻羅王只係輕輕嘆左口氣，叫佢用一百年時間去反省自己。」

「最後，果位亡者知道自己無得揀，所以應承閻羅王做一百年馬面。」

因此，出現了今天的馬面。





馬面拾起了長矛，繼續說著他的故事。

「或者，一切都係上天比佢既考驗。」馬面無奈地說道。

「三年之前，當佢執行職務既時候，佢遇到自己既親人，果個人就係佢既爸爸。」

假如我沒有估計錯誤，馬面應該因為動情，而放走了自己的父親，鑄成了大錯。

從此不再動情，只把感情埋藏在內心深處。





「佢既爸爸，因為肺癌病死，只係留低媽媽同埋一個細佬。」

就像吳強一樣，遺留下伯爺婆與德仔。

「係佢親自帶爸爸番人間，佢好坦白承認自己既身份，仲同家人共叙天倫。」

「呢個時候，佢細佬同媽媽提出想老豆留係到，細佬話有方法可以供養住老豆既鬼魂。」

三年之前的馬面，應該毫無疑問答應了家人的要求。

凡人面對親人，總會放下所有防備，毫無保留地相信他們，滿足他們。