死後，我成為了地府的牛頭馬面: 7.6

「伯爺公！你終於番黎喇......」滿頭白髮的老婦拿著拐杖一拐一拐地從房門走出來。

「伯爺婆！」吳強急步上前攙扶著伯爺婆。

沒有大大的擁抱，更沒有激情的擁吻。

沒有年輕愛侶的激情，更沒有洶湧澎湃的承諾。

他們只有輕輕的推抱，深情的一吻。





只有白頭到老的感情，與及天荒地老的承諾。

一段真摯的感情不只在於性，更重要的是愛。

「伯爺婆，你使咩唔聽我講？」吳強拭去伯婆婆面上的淚珠。

「我有好好照顧自己，仲有好好照顧德仔。」伯爺婆輕輕為吳強抹去淚水。

「如果你係聽我講既，就唔應該咁操勞！枱面既餸你煮左幾耐，用左幾多錢，我唔係到，你地要慳住使。」吳強語重心長地說道。





「伯爺公，今日係你最後一餐......你辛苦左大半世，我希望盡番做妻子既責任，煮一餐飯你食。」

「傻婆黎，妻女既責任就係要比老公照顧，要聽老公話。」吳強牽著伯爺婆的手，成為拐杖，一起坐在飯桌。

吳強一家再一次聚首一堂，吃最後一頓晚飯。

馬面默不作聲，專注看著牆上老舊發黃的照片。

「馬面，過黎食飯啦，唔好要亡者等你。」我從飯桌叫道。





馬面慢慢走到飯桌，依舊維持其本色，沉默。

「爺爺，點解你既朋友咁得意既！戴住面具點食飯啊？」德仔毫不避諱地指著我們。

「德仔！唔準指住人地咁無禮貌！」伯爺婆喝斥德仔。

「小朋友，我地係黎保護你爺爺架！所以要扮得特別d,咁d壞人先會怕怕我地。」我把聲線提高八度，說起了bb話。

馬面一於少理，沒有瞄著我，只是專心吃飯。