死後，我成為了地府的牛頭馬面: 6.10

「唔係真架......唔係事實黎......係你地夾埋呃我。」張龍自言自語，雙手抱頭，跪在地上。

「我知你好難接受，你老豆都有唔岩，因為佢接受唔到個仔間接殺左佢老婆，所以日日打你，佢根本唔知點面對你！」翠姐蹲下身下，耐心向張龍解釋。

「阿龍，到你死左之後，我都唔識面對你，係我既錯，我唔識做人老豆！」陳有財左一巴右一巴狠狠給自己一記又一記耳光。

家人相殘，從來是最殘忍。

陳有財失去了老婆，又失去了兒子。





張龍失去了母親，又失去了父親。

一切源於凡人不懂寬恕。

寬恕別人等於寬恕自己。

恨一個人，真的很累。

二十幾年來，他們父子也很累。





「停手啊！」張龍捉著陳有財雙手。

張龍捉著陳有財雙手，給自己一巴又一巴掌。

「對唔住！係我對唔住你地！或者一開給我出生係呢個世間就係錯！」

張龍打了自己二十幾巴。

「呢二十幾巴，就當我呢個不孝子還番比你同阿媽！」張龍強忍淚水，強忍住痛。

陳有財與張龍互相對望，二十幾年來再一次對望。

「你冇錯，其實阿媽既死係意外，只係我一路放唔低，成日搵你出氣。」

「睇真d, 原來你都幾似我。」兩父子異口同聲地說。

「緊係，我地兩父子黎。」聲音再次重疊。

父子相視而笑，一個簡單的微笑。

闊別了二十多年的微笑。

原來，兩父子真的很合拍。

陳有財張開雙手，張龍順勢投入他的懷裡，兩父子深情擁抱。





有父親的人，真的很幸福。

比我幸福得很多。