死後，我成為了地府的牛頭馬面: 3.5
雞翼魚蛋湯、豆豉蒸魚、肉片炒菜心、半隻白切雞、炒午餐肉腸仔粒。
「兩位大哥，一路辛苦啦，呢到酒微菜薄，請你地唔好見怪。」李嘉怡伸出手邀請我們吃飯。
馬面大哥早已毫不客氣率先起筷，我卻留意著李嘉怡。
李嘉怡沒有起筷，只定了眼看著眼前的飯菜。
「以前媽媽成日話菜心好貴，白切雞唔抵食，魚肉都唔平。」淚水一滴一滴掉在桌上。
「我好記得每次同媽媽嘈完交，無論我幾唔岩都好，之後佢都會買半隻雞或者係一條魚，或者係肉片炒菜心比我食。佢好傻，每次我發脾氣都會覺得係自己既錯，係自己比唔到一個好好既生活環境比我，所以佢好想補償。」
我放下筷子，專心聽著李嘉怡的說話，馬面卻不停吃著飯菜。
「既然係咁，點解你仲唔食!你媽媽唔會想知道你係到自怨自艾，佢只係想你好好享受佢煮既最後一餐。」馬面終於開口。
我拿起筷子，夾了一塊午餐肉，很油膩，黑黑的有點像炭。
夾了一塊魚肉，很霉，豆豉只為了掩蓋口感上的不足。
夾了一條菜心，苦澀。