我的狗公時代: 2~難道我可以扭轉宿命重遇你一次

因為APM附近就嚟重建，人流的確唔多，不過我同楊哥都係想[目及]吓附近啲女啫⋯⋯不過啲質素麻麻。
唔好睇楊哥琴日嗰啲發言好似正人君子咁，其實就係呢個死狗公教我溝女。
搞到我由一年淨係溝到一件，去到而家一個月一件。
咁其實去到APM都冇乜嘢做嘅，都不外乎係去Apple shop偷下電，然後去啲服裝鋪扮gay話幫楊哥買女裝，最後淨係買咗隻絲襪走
「都唔知你買隻絲襪嚟做乜嘢」楊哥反晒白眼咁望住我
「咁行咗入去唔買嘢又好似唔係幾好，同埋你可以用嚟打劫㖭，一舉兩……哎呀」
喺個轉角到撞到人，因為講緊嘢同埋冇諗過有人會喺呢個位所以跌到四腳朝天
「一把年紀仲玩轉角遇上愛呀？老唔老土啲……」我一邊摸着個發出陣陣刺痛嘅屁股一邊講
點解會講嘢講到一半停咗？
因為我望到一個臉孔




呢個既美麗又可愛嘅臉孔
亦係我成為狗公嘅原因
但亦正因為呢個臉孔，我那段被封閉嘅回憶不斷不斷咁再次湧現.......