[軍事][架空歷史]北極熊: 仆你個街，末代沙皇嚟嘅喂？

「尼古拉二世係咪戇鳩㗎？正常人都唔會咁處理問題啦下話？真係抵x死！」

「不過點都好啦，起碼聽日present到。。。。剪切。。。貼上。。。唉搞掂！」
「唉！終於做完有得瞓！」經過千辛萬苦和荊棘滿途的過程後，我終於趕好了關於末代沙皇的project。不久，疲累的我就已經進入了夢鄉。

「咁撚寸話正常人都唔會咁做？」夢中，一個神秘的聲音響起，「咁姐係話你會搞得掂？」

「得又點？」在夢中，我還是迷迷糊糊的，於是我竟然鬼使神差的這樣回答了他。夢境就到此結束。

好奇怪的一個夢阿。。。





陽光從窗口射入尼古拉二世的寢宮內。

「。。。嗰個夢咁奇怪都有嘅。。弊！點解個鬧鐘無響嘅？金翅扑街鳥！！」我大力的睜開自己的眼睛，映入眼簾的卻是歐洲中世紀風格的房間。

「唔通我老豆老母發咗？」我驚訝的望著眼前的一切。隨即，我就否定了這個想法。

傳說中的靈魂交換？！還是和一個至少是貴族的人？這明顯合理許多。

「沙皇陛下」一名男僕用俄文說。





「咪住！佢點解會叫我做沙皇陛下？仲有，我點解聽得明俄文？」我不停地思考。

「沙皇陛下？」

「阿，你幫我換咗件衫先。」

「係，沙皇陛下。」

好險！我又感覺到有些東西在灌入我的腦。





那些是「我」之前的回憶，還有夢中神秘人留下的一句說話：

「你唔係好叻咩？我就睇下你點！做你嘅末代沙皇啦！」

然後，我才意識到我進的不是什麼大帝的身體，還要幫他照顧好一堆爛攤子。

「扑你個街，末代沙皇嚟嘅喂！」我心裏咒罵着

我不想死，不想像上一個我一般，死在布什維爾克的子彈下呀！