[情慾小說] 上左家姐的中學美女同學: 第十六章
過左兩日, 美欣都無再發過訊息比我, 我不斷響度胡思亂想住, 既然美欣佢都已經知我嘅心意, 但就因為一啲世俗眼光嘅問題, 所以就唔肯應承同我響埋一齊, 唉, 好煩呀, 都唔知應該點算至好。
煩呀煩呀煩到星期日, 呢朝早, 一個頹廢到極點嘅人正仲係賴住響張床上面, 手機又再響起 whatsapp嘅訊息提示。
我矇住對眼望吓部手機, 係美欣 send 訊息比我, “想見吓你”
嘩, 簡直不得之了, 美欣約左我而家就去屋企附近果個公園度見面, 我即時彈左起身, 跟住就用住最短時間去擦牙洗面換衫著鞋同出門口。
我嘭嘭聲咁衝住落樓, 今日出面落住雨粉, 但我就正以極速九秒九嘅時間跑到去公園果度, 遠處已經見到一個想見好耐嘅人正響度等住, 係美欣。
美欣見到我之後…….
![](http://ww1.sinaimg.cn/mw690/883121d8gw1emjrlcg5u5g20b406nqv7.gif)
兩個極度需要對方嘅人經已衝前地攬埋左一齊,「美欣….我好掛住妳呀!」 「我都係呀強仔….嗚…嗚…嗚…, 強仔對唔住呀…嗚…嗚…嗚…」 美欣正伏住響我懷中正喊個不停。
美欣仲係響度喊住, 而我就摸住佢把秀髮咁同佢講,「美欣….不如我地響埋一齊吖….好唔好呀?」 懷中嘅美欣正係咁點住頭。
萬重障礙終已衝破, 一切都已變成苦盡甘來, 懷中嘅美欣正抬頭淚眼但就笑住咁黎望住我, 面上嘅眼淚再加上雨粉, 就仿似要將佢過去嘅不快都要一一咁盡數沖走住而去。
我幫美欣抺住面上嘅眼淚講, 「我以後都唔會再比我愛嘅人流下傷心嘅眼淚。」
已經再懶理世俗人嘅目光, 微雨底下, 二人經已四唇緊貼住起黎, 已經靈慾一致嘅我地, 就響呢一刻, 一陣陣盪氣迥腸嘅感覺就正同時響我地心底入面湧現住出黎。
同美欣拖住手咁一齊行去食早餐, 今日嘅早餐, 係我咁大個仔以來, 食得最開心同最好味嘅一餐, 望住身前比以往清減左嘅美欣, 溫柔嘅聲線, 動人嘅姿態, 再加上相近嘅性格, 突然之間, 我覺得我已經變成一個響世上最幸福快樂嘅男人一樣。
![](https://www.userver.net/Uploads/20201106/5fa50fcf05f2f.jpg)