【英雄系列5】天使與吸血鬼: 24

24.再遇奈央


翌日清早，兩人繼續趕路

走到一座荒山



「嗡嗡嗡嗡」





希路同瞳瞳同時聽到某種聲音



「小心..前面可能有人...」

希路道:「吸血鬼既聽覺異於常人，只要我地既大腦一直處於戒備狀態，就可以輕易聽到幾百米外有冇人既存在」







「咁...唔通就係你仲講既邊境軍隊？」

瞳瞳摸住太陽穴，問


「有機會，不過林聰講過，佢將奈央同洛迪古斯交左比響斐南共和國既軍隊」

「話唔定..可以搵到一啲線索」







兩人步行，慢慢接近前方


果然，響兩百米下既低谷，有一個軍用哨站

「果個...就係...」


希路拎起望遠鏡，遠距離觀察

「果然係斐國既軍隊，我地先監視一下啦，盡可能都避免駁火」

「知道啦」








「砰！！！！」

哨站既鐵門被大力推開


「嗄...嗄...嗄.....」

一個雙手被後綁既身影，跌跌撞撞地走出來


「hahahahahaha」





緊隨其後既，係四個笑淫淫既斐國士兵



該個身影，正是奈央！


「係...奈央小姐呀！」瞳瞳驚叫



斐國士兵們捉住奈央，一巴一巴摑到佢既面上

隨後更開始對佢上下其手





目的非常明顯，就係要淫辱奈央



「要快啲...救奈央小姐呀！」

瞳瞳拔出手槍


「你冷靜啲先，對方有四個人，我地諗個戰術啦」

拎住小刀既希路計劃:「我先行，慢慢接近哨站既後面」

「而你就用子彈擾亂佢地，可以既話就殺埋啦，只要留一個比我盤問就得啦」







「有冇信心？」

「....嗯！」


希路率先起行，慢步行近哨站


「嗄...你可以架，凌愛瞳...」

首次要對住敵人射擊，瞳瞳緊張得心跳加速

手汗更沾濕槍柄



「一定要...救奈央小姐！」


「吱！」

子彈應聲擊中一人既左小腿


「呢啲..就係吸血鬼既能力....」




「呀呀呀！！！！」該士兵馬上失足


其餘既士兵隨即放開奈央，閃到有掩護既位置



「吱！吱！吱！」

瞳瞳繼續以射擊擾亂敵方

而敵人們亦開始躲於掩護位置，以步槍亂射


「！！！」

子彈時間下，瞳瞳輕鬆避開


與此同時，希路已經進入攻擊範圍

「颯！」

希路持住小刀，以迴旋斬處決兩名士兵

再從後脅持住剩低既一人


「Where is the another prisoner?」

「I...I don't know！Please let me go！」


「吱！」

希路一槍解決，然後替左腳中槍既士兵再補一槍



「希路....」

奈央望住希路，感到驚奇:「原來你...」


「奈央小姐！」

瞳瞳一步一步跑過黎



「瞳瞳！！」

奈央見到瞳瞳，兩人隨即相擁而泣

「太好啦...瞳瞳你冇事！」


「嗯，奈央小姐你都冇事，真係好啦！」





「原來係咁...係林聰個衰人出賣我地！」

奈央鯨吞乾糧，氣沖沖道:「果陣我地響七人車入面聞到一陣氣味，之後就暈左啦」

「一醒返就響呢一度，好彩你地及時黎到姐，唔係...我實比班咸濕佬搞架啦！」

「大久保先生死左，IT狗又失蹤...咁友美呢？」


希路同友美無言以對，奈央亦知道所為何事了

「.....係呀....原來係咁...」


「依家我地既目標，就係去到達納爾山莊，用果度既大型發射器，聯絡IID」

「依家11點，預計下晝五點，就可以到達目的地」

希路為奈央解釋


「嗯，明白啦」

奈央站起身:「咁..我地起行啦」


「嗯！」


奈央留意到瞳瞳頸上既咬痕

「係喎...點解瞳瞳你，條頸...」



「呃....係因為...」瞳瞳不知應該如何說起




「我為左救佢，我將佢變成左我既眷屬」希路率先回答



「哦...」奈央晃然大悟:「即係希路你係吸血鬼啦」




「吓..點解奈央小姐你會知...吸血鬼既野」瞳瞳問


「呢啲都係我師妹美雪同我講架，佢話吸血鬼唔單止唔會吸血，仲會透過咬人黎救人..」

奈央答得理所當然:「哈哈，美雪果然無呃我」


「嗯，你講得冇錯....」

希路道:「每個吸血鬼只可以有一個眷屬，友美係上一任，依家就到凌愛瞳」



「...原來係咁.....」

一講到友美，三人都不知如何再講下去



往後既數小時，三人合力攻破兩個軍用哨站，亦取下不少物資及彈藥


「希路先生！」

瞳瞳指住遠方既一座城堡

「果座...唔通就係達納爾山莊？！」


「嗯，如果依照位置，應該就係啦」

希路舉起望遠鏡:「果然...響屋頂有一個發射站」

「咁，我地快啲行啦」



「！！！」


「瞳瞳，感唔感覺到？」

「嗯...係人既感覺...」


「即係話，達納爾山莊，隨時已經比斐國軍隊佔領左」