【英雄系列5】天使與吸血鬼: 21

21.擎天大火



「係...希路...同瞳瞳....」

被綁住既太久保望到兩人







「大久保先生！」

瞳瞳欲想衝過去大久保處


「凌愛瞳！」

希路乃時以手擋住瞳瞳

「奈央同洛迪古斯響邊？」






「佢地呀...已經交左比斐南共和國既軍隊啦」

林聰吹住口哨道:「由搵到Archangel響斐南共和國之後，我就已經聯絡左迪拉斯，叫佢地收買好斐國軍隊，做好佈署」



「你，係由幾時開始做佢地既內應？」






「大概係上次救完瞳瞳之後啦」

林聰把玩手中既手槍:「係佢地主動聯絡我既，佢地既offer太吸引啦，我無辦法拒絕」




「只係....為左錢，你就要變節？」林聰腳旁既大久保問:「我地...都對你不薄丫...」


「不薄？你唔好講笑啦！」

林聰一腳踢往大久保:「我堂堂一個保護要人組既精英，比你揀左入黎呢組！仲要日日響度浪費光陰！」






「而最重要既，就係你呀，希路！」

「你地次次都比希路做主攻，係因為你地都係覺得，希路比我強丫嘛！！」

「只不過係一隻吸血鬼，又有咩特別呀！！！」




「依家我有左呢樣野，希路你從此就唔再係我對手啦！！！！」

林聰拔出針筒，刺往左手，全身既青根馬上暴現

「呀呀呀呀呀呀呀」






「係...戰鬥用納米機械...」



「嘿！冇錯呀！！！！！」


林聰飛快地衝向希路

「就睇下，你地吸血鬼既實力啦！」


林聰一下手刀，砍中希路既左肩






吃中重擊既希路只好退後幾步:「可惡，頭先打war doll既傷仲未完全康復，依家仲要同林聰...呢個受過IID訓練既人打....」


「哈哈哈哈...果然好快」

林聰笑道:「呢一下，痛唔痛呀？哈哈哈」



「只係為左啲咁無聊既原因，就要出賣我地？」

希路道:「咁你一直以黎戰鬥既目的係咩？」






「出口術係無用架！希路！！」

林聰左足彈起，一記飛腿橫掃希路

「我...就係為左證明我係最強！」


「你呢種原因，我係唔會接受！」

希路退後數步，避過林聰既進擊，再駁上勾拳


林聰及時收招退守，化解希路既進攻


希路格下數招，始終未能佔上風



瞳瞳乘住兩人埋身格鬥之際，衝過去大久保處


「大久保先生....你...無事丫嘛？」



大久保虛弱道:「瞳瞳...我唔得...啦....」


「唔會架..唔會架....」瞳瞳忍住眼眶既淚水:「友美小姐已經犧牲左....你唔可以架！」



「瞳瞳...應承我...」

大久保握緊瞳瞳手臂:「至少...要救返奈央同洛迪古斯....！佢地應該...仲響呢個國家度....！」


「嗯...！我會架.....！」



大久保開始合上雙眼:「瞳瞳...你一定可以...成為一個好特工架...」



「大久保先生！大久保先生！！你唔好訓呀！！！你醒下丫！！！！！」




「！！！」

希路聽到瞳瞳既叫喊，已經知道



大久保，已經支持不住了




「哼，你個死妹釘，一早睇你唔順眼！」

林聰乘住空檔，躲過希路既追擊

拔出手槍




「砰！！！！」



「呀.....」

瞳瞳既下腹，被打出一個血洞



「凌....凌愛瞳......！！」



「點..點解....」

意料不及既瞳瞳掩住腰間，全身乏力


「林聰先生...你...」




「你，真係好煩呀」

林聰露出厭惡既表情:「乜都唔識，剩係靠關係先入到黎，仆街啦」







希路望住垂死既瞳瞳，耳邊馬上響起友美對佢既話



「希路...我只有一個...要求.....」


「唔好......比瞳瞳死..仲有要....救...其他人....」







「凌愛瞳....佢唔係一無是處」

希路叫停林聰:「善良、溫柔，呢啲特點....我同你都無」


「響凌愛瞳面前，我同你都係弱者！」



「哼，都唔知你講乜！有力量就係強者！」

林聰拎住手槍，指往希路



「你唔明白，所以你先會出賣我地」

希路咬下右手拇指指頭:「而且，你仲做錯左一件事」






「砰！」子彈從槍口射出




「就係...逼我認真，去殺你呢一個人渣」



「！！！！」

希路整個肉體竟完全消失，避開子彈



「戰鬥用納米機械的確係可以令普通人得到接近吸血鬼既能力」

一瞬間，希路出現響林聰背後

「不過你地..唔會識得呢一招」



「我地吸血鬼既必殺技」

希路一拳轟向林聰，將佢打至退後一米


「必殺技？！收皮啦！！！！！」

林聰對住希路亂射


希路不斷閃避，將全部子彈避開

「就算你點射，你都唔會打得中我」


「咔..咔...」

林聰手上既子彈已經射盡，心中一慌

「呃......」



「颯！！！」

希路「飛」到林聰旁邊

「林聰，呢個就係我同你既分別」


「分...分你老母！」

林聰反手持刀，捅向希路


面對此招，希路輕鬆回避，再以右掌擊向林聰腋下，使佢鬆開手上既刀



希路執住小刀，對住林聰既左手砍下去，血花四濺


「我唔信！！！！」

林聰赤手空拳，欲將希路推向牆壁上既火焰



「颯！！！」

林聰出手之際，希路早已避開，轉到林聰背後


「對住你呢種人渣，我根本唔駛留手」

希路將小刀刺向林聰既後背，順勢將佢推到地上




「殺左你...先可以向友美同大久保交代...」


「插！插！插！插！」

怒氣沖天既希路不斷拔刀捅進林聰

一刀一刀，不消一會，林聰已經被希路殺死



「嗄...嗄......」

即使希路既怨氣未消，但佢依然記得一件事


凌愛瞳





「凌愛瞳！凌愛瞳！！」

希路奔往瞳瞳處


「希路先生....我...冇阻住你丫嘛....」

瞳瞳臉青唇血，似乎已經返魂乏術:「對..唔住...我...又連累到....你...」


「無啲咁既事....」

希路一摸瞳瞳既小腹:「弊啦....流得太多血...再係咁落去......」









「唔好......比瞳瞳死」

希路耳邊迴響住友美既話









瞳瞳既意識開始矇糊，即刻合上雙目



「冇辦法啦」

希路頭往瞳瞳既頸側





「凌愛瞳，對唔住」