【英雄系列5】天使與吸血鬼: 6.迪拉斯
「可惡！始終黎遲一步！」大久保指揮:「洛迪古斯，繼續慢駛追住佢地，響呢個距離佢地應該仲未察覺我地既」
「其餘成員隨時準備作戰！」
「收到！」
洛迪古斯駕車跟住黑色七人車，駛向美孚方向
「瞳瞳，即刻睇下人質係邊個黎丫..」大久保道
「嗯..」瞳瞳連接到貨車既車前鏡頭，再利用資料庫既面部偵測
「搵到啦，佢係財政司司長陳偉鴻既妻子陳林美呀」
「財爺老婆...？」
大久保托住下巴思索:「印象中佢唔係d成日上鏡出風頭既人...點解班綁匪會識佢，仲要捉佢呢....」
不久後，黑色七人車轉上金山
「金山....再跟上去，恐怕會被佢地發現喎大佬」洛迪古斯將車停於金山山腳
「西班牙佬你有道理，咁我地先用天眼系統跟蹤返佢地啦」
「收到」
說罷，洛迪古斯就對住身後既手提電腦輸入一大堆指令
金山上既所有監控鏡頭一覽無遺
「連...山上面都裝左鏡頭既..！？」瞳瞳驚訝問
「IID同香港政府秘密整既天眼系統係覆蓋哂成個香港架，所以我地先可以利用佢，再連接Archangel黎計算發生犯罪既地方」林聰答道
黑色七人車停至一間破屋前
五名綁匪拉住被捉既陳林美一同入屋
「嘿，咁樣你地就冇得走啦，開車啦！」大久保指揮開車
「瞳瞳，依家有左行動地點，可以訂立戰術啦」
「嗯....」
瞳瞳拎起平板電腦，於破屋既平面圖上寫下戰術
眾人既貨車停響離破屋不遠既位置
「今次間屋靠近山邊，而且得左邊一道窗口...所以應該用Zeta2戰術」
「友美小姐你響對面既草叢中埋伏」
「而奈央小姐就先響門口誘敵，分散注意力」
「希路先生同林聰先生就響左邊既窗口投入煙霧彈，再同奈央小姐入屋制服綁匪」
「明白..」
「唔錯丫呢個戰術，不過今次地勢比較複雜，隨時會發生突發情況，各位執生啦」
大久保舉起左手:「對錶，下午1點28分，行動開始！」
離目的地較遠既友美率先到達埋伏位置
「友美，location on」
而其餘前線成員亦陸續去到自己既位置
「喂，陳偉鴻先生下話...你老婆依家響我地手上」
「你唔信？我依家影低佢比你睇」
「陳先生你依家明白啦？你依家只可以同我地迪拉斯合作啦」
「如果唔係，你準備幫你老婆搞白事啦！」
「！！！」
在窗口邊既希路聽到「迪拉斯」一詞，臉色一沉
「終於....搵到你地！！！」
「佢地頭先同陳偉鴻聯絡果陣，人質冇發出任何聲音，應該係已經暈左..」
奈央躲響屋外，敲擊生銹既鐵門
「邊個？！！！」
希路同林聰二話不說就將煙霧彈拋入屋內
激動既希路更加馬上跳進屋內
「希...希路！」林聰拉都拉唔住
即使煙霧彈影響視線，五位綁匪既位置都好似被希路知道哂
希路取出小刀，以崇熟既手法，將最近自己既三名綁匪逐個割喉
「邊個！？快..快d出黎！！！！」
煙霧開始散去，希路跟兩位綁匪對侍
「希路...」林聰心想
「一口氣隊冚三個人，你....你到底做咩呀！？」
「去死啦！！！」
兩名綁匪取起手上既步槍，對住希路既上半身開火
「砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰」
「希...希路！！！」
奈央同林聰聽到響個不停既槍聲，馬上闖入破屋
響兩人眼前既，除左兩個綁匪之外
仲有，用glock 17手槍擋下所有子彈既希路
「無可能架...竟然可以快到擋哂d子彈？！」
希路將手槍表面既子彈甩開，再對住一人開火
「砰！」希路槍法奇準，一擊就將此匪既頭顱射至爆開
剩下既綁匪卻想再以步槍還擊，欲被希路搶先一步，閃到背後將佢勒住
「你..係迪拉斯既人？」希路用力使槍對準太陽穴「你地黎香港係咩目的？」
「嘿，關你咩事呀！」綁匪依然口硬:「頭先呢種...連子彈都擋得到既速度.....唔通..你係...」
「砰！」
希路冇等綁匪講完成句，就照頭射殺佢
「希路...你...發生咩事呀？！」奈央感到些少恐懼:「我從來未見過，你會咁衝動架喎」
「落手完全冇半點猶疑，仲可以快到擋子彈....希路...」林聰頭中冷汗直標
「無事...我只係想知道佢地口中既『迪拉斯』係咩黎」
希路若無其事地用刀解斷綁住人質既麻繩:「至於擋子彈，其實只係我平時訓練有素」
「放心，我冇事」
「希路......」收起狙擊槍既友美心中暗唸
等到警方到場，四人亦回到客貨車中
「希路你頭先做咩呀？竟然唔理林聰，一個人衝入去屋入面？！」
大久保少有地發火:「知唔知你一時既衝動隨時累死成team人架？！」
「對唔住，係我衝動，太急行動」
希路若無其事咁坐回自己座位
「哼...下次你再係咁」
大久保似乎對於此事非常氣憤:「我就會踢你出隊...返去啦」
「到底...頭先發生咩事呢」
現場冇cctv或天眼系統，瞳瞳並唔知道當時發生既事:「希路先生佢，竟然咁衝動...」
眾人返到IID總部後
整隊人食飯時亦一語不發，與平日既熱鬧氣氛有天壤之別
而瞳瞳就依然一頭霧水
「奈央小姐...」
「嗯？做咩呀？」
等到下班時間，瞳瞳終於可以襯住同奈央既獨處時間問到此事既來龍去脈
「頭先，希路先生發生咩事呀....」
「唉...」
奈央嘆一口氣，再開口:「根據瞳瞳你既戰術，頭先本應該係希路同林聰一齊衝入去既」
「但希路冇等埋林聰就入左去間屋度，仲用非常高超既手法將五個綁架殺死」
「而更恐怖既係，響其中一個綁匪對佢開槍既時候，佢....」
「佢用手槍，將所有子彈擋開哂」
「...咩話..」
聽到呢句，瞳瞳嚇到差點企唔穩
「雖然希路佢話係訓練出黎既成果，但係...邊個會信丫」奈央無奈道:「不過我地成班人聽日就會無野架啦，瞳瞳唔駛擔心」
「嗯....」
「希路先生佢...真係咁犀利？」
瞳瞳道:「但係..希路先生應該唔會咁衝動架喎...」
「呢個就係最奇怪既地方啦，明明出動果陣都好地地..」奈央撥撥前髮，道:「算啦，反正今次件事又解決左，瞳瞳你都係唔好諗咁多啦」
回家後，瞳瞳一直被此事困擾
「到底，希路先生係因為咩事呢...」
瞳瞳響床上輾轉反側，一路想著
「係啦.....」瞳瞳忽發奇想:「不如聽日...跟蹤一下希路先生同友美小姐...話唔定，會有答案..」
瞳瞳決定左，聽日就要跟蹤兩人，取得答案