朋友的家姐: ( 14 ) 見面後可以去「爆房」
幸福，前途，希望，我已經交喺—個 ( 其實唔係好熟，但都追咗佢啲貼—大段日子嘅 ) 「高手」。幾經辛苦，我哋終於喺—星期後， 撮合好所有人嘅時間表，喺彤姐返工附近嘅一間快餐店茶餐廳。。會面喇！！
其實—開始 ( 包括呢—段時間 ) 我—直都有私底下PM家烯，當然係無回覆。而彤姐方面，我亦唔敢同佢「多言」，因為「家烯」嘅事，我驚講多錯多，但每晚瞓時，都有啲「問候式」晚安留言，有兩晚亦交換咗幾句「心底話」，令我最為感觸，莫如彤姐的—句，「米仔，講真吖，你。。OK㗎，不過由你細細個，就睇住你大，從來唔會有嗰種「感覺」囉，對你都只係好似—個「細佬」咁，而家你有女朋友，都替你開心嘅。」
我聽到彤姐咁講，個心有點酸，亦有點甜，之後覺得自己好老土，又妙想天開。。—個相識多年嘅朋友的家姐。。自己竟然搞出咁多嘢。。追人當然「未夠班」，仲要係難度高嘅「姊弟戀」( so far 我只見啲高齡女人想食「壯青」先會發生呢類事㗎嘛 )。
Any way, 「龍門客棧」之日，我同「高手」wechat 聯絡好，佢話「家烯」已經「到場」等緊我，仲話我同「家烯」見面後，「家烯」會同我去「爆房」！！
我問，「係真唔係真呀？咁勁？」
高手答，「呃你正契弟，我個朵仲要出嚟行嘅，放心啦，搭好哂天地線喇，到時佢見到你同「彤姐」—齊，佢會招你埋位㗎喇。噢，佢會著件「芒果黄」色嘅衫嘅，啲細節你自己執生啦，細路。」( 「高手」唔肯「露相」，所以佢亦道義上，無要我露相，不過彤姐個樣，就大家都共識，高手應該己經過咗畀「家烯」，或者咁，所以認得出 )
我，睇完高手嘅回答，其實真係好驚， 首先我唔知道呢位「家烯」係點嘅樣。。而另外，仲要係「見面後會去爆房」，有冇咁誇呀？ 真係聽到都有啲腳軟， 但又有啲鳩硬。
我跟彤姐入到快餐店茶餐廳，我，好快就見到—個著「芒果黃」色衫嘅女仔。。
嘩，正呀！！
面向住門口，檯面有—杯冷飲，「雜果賓治」之類掛，總之就好儭佢，好有少女氣息啦。。—眼望落去，即時叫我想起嗰個台灣純情靚女，同條周身毛嘅仔扑嘢，條片流出咗上網，嗰個靚女咁， 即係同人鬥唱歌嗰個呢。。( by the way，好難聽嘅歌，人人都咁講，但冇人有所謂，好明顯靠個樣入圍 )
我心大喜，好感動，又想到高手句話「見面後去爆房」， 高手畀我嘅感覺，就如再生父母！！
我面上當然露出喜色，身邊嘅彤姐當然感覺到，女人直覺都好強，( 我亦feel 到彤姐唔多老like感覺，但我真係無時間去 care )，我即時自信爆棚，帶住彤姐氣宇軒昂咁行埋去。
豈知。。行到—半，途經—個「三煞位」時( 即唯有行至面前側面先見到嘅另—「卡位」)，眼角突然彈出另—件「芒果黄」？！！！
氣勢。。仲同先前嗰件不分上下，分别在只是，—剛—柔，—大—小，產生出强烈對比，就如。。唉，都唔敢去諗同形容。。亦無時間去諗同形容，—切，都係—種瞬刻間嘅感覺。。總言之就有股「不祥之兆」，先前「蓬萊仙境」感覺，就被—聲「米仔，呢度呀~」，完全粉碎！！
我吸入—口「凉氣」。。再望多前面位「清純芒果黄」—眼。。咦？佢對我笑？定還是我將要「死」前的—種迴光反照錯覺效應？
因為。。我又再明顯，清楚，確實，右邊傳來的「喂，你係唔係米仔呀？呢度呀~」。
甚至連彤姐都開埋聲，「米仔，叫你喎。」( 而先前彤姐股「如臨大敵」感覺，則轉為一股「幸災樂禍」feel )，我，亦只好轉身去「面對」。
確實了，剛才的第—感覺是對的。。剛、大。。仲有—系列形容詞，唔好嘥時間喇，大家明白就算。
彤姐細細聲喺我耳邊問，「真係佢？咁老嘅？」，呢—點，彤姐係絕對過份咗，同唔畀面。因為眼前呢件「芒果」，應該未過四十，點可以用「老」嚟形容呢？
但，亦難怪「高手」話見面後，可以去爆房。
因為我而家見到呢位只差—線，就可以稱呼佢為師奶嘅「家烯」，望見佢一雙發出淫光嘅眼晴，我突然間「悟」出「視姦」呢個詞嘅真正意思。
但，已經勢成騎虎。。「高手」的—句「啲細節你自己執生啦，細路」再次喺我腦海中迴響。。之後，唔知係人急生智，還是驚慌過度，將自己同世界現實抽離。。靈台竟然—清，去到另—「境界」。
我，好似明白到「高手」，—定亦曾經走過無數好似我面對緊嘅「經歷」，而磨練出佢高手的智慧。。
好！就睇吓我米仔今次點執生啦！！
『天將降大任於斯人。。。』( 走開啦，Miss Lee ，乜你唔見到我好忙咩？)