《我家姐竟然做咗我班主任？？？》: 【9】

之後發生咩事，我都無咩點理，事關好似無咩動靜咁。

咁...敵不動...我咪不動囉...係咪？

過咗一個禮拜度啦，終於有事情發生啦，期待已久。

上完中文堂，家......唔係，係Miss Tai係臨落堂嘅時候講：「戴英雄同學，你同我落一落嚟教員室搵我。」

佢語氣仲要好差，咄咄逼人嗰隻，不禁令我感覺到...驚。





Miss Tai佢執好曬啲嘢之後，用眼尾瞄一瞄我，眼神好凌厲。

我尾隨住佢，沿路上係度諗，係咪佢發現咗我有份玩鳩佢？然後嬲嬲我？

但無理由呀，我除咗應承之外，咩都無做喎，咁都有事？

班仔做嘢太廢了吧？咁快就收皮？花生都無得食？

我跟住佢入教員室，平時好少學生會入到嚟，通常都要係出面嗌咪。





所以我一入到，好撚多老師望住我。

佢哋一定覺得我做衰嘢啦，仲要係咁正嘅家姐，會唔會懷疑我對家姐點架......？

仲有仲有，班男老師仲要望多家姐幾眼，又係望腿再望波再望樣，眼神流露出絲絲嘅淫慾。

因為佢哋個樣好撚咸濕，由下面掃上嚟，條撚都由下面向上升。

我入到家姐個位，佢坐咗落嚟，望都無望到我。





然後佢令咗份中文工作紙出嚟，但上面唔係寫我個名，心諗，做咩呢？

喱份中文工作紙你有份係屋企教我做架喎，你屌鳩我，咪姐係屌鳩自己？

跟住佢係一大堆嘢入面，拎咗個信封出嚟，再係上面放咗張紙條。

我見到個信封上面寫住：「給最愛的Miss Tai」

「你自己睇下啦！睇下你做錯啲咩！」佢提高聲浪咁講。

下？心入面一百個問號。？？？？？？？？？？？？？？

我拎起張紙.......

依家無咁多時間，一陣中午同我去食飯，要同你傾啲嘢，我依家唔知點做好，OK？





我瞬間明白了，喱個只係家姐嘅掩眼法，佢咁樣做，只係想約我出去，如果唔係忽然間叫我出去食飯，其他人可能會懷疑。

我哋當然覺得無咩嘢啦，佢係我家姐，但人哋唔一定咁諗，佢哋又唔知佢係我家姐。

「點呀！知道錯咩未呀？」佢都係無望到我，但語氣都無之前咁惡。

「知啦Miss Tai。」我好配合佢。

「咁你lunch time留低同我改埋佢先好去食飯，咁基本嘅嘢都錯！」

忽然間我覺得自己好似至身係啲卧底片，無間道咁。講嘢全部都係暗號嚟，又或者係啲黑社會術語，而家姐就係大佬，我只係佢啲「靚」。

做完一場大龍鳳，我就頭耷耷咁行出去教員室，為喱場戲劃上一個完美句號。





到咗中午，我whatsapp家姐，佢叫我係公園等。

離我哋學校遠少少嘅地方，有一個無咩人去嘅公園，我哋約係嗰度等。

條仆街仲要叫我幫佢買飯，又唔講食咩，我買咗兩盒豬頸肉飯，理得佢鐘唔鐘意呀！

自己條女就話姐，只不過係我家姐。

無幾耐佢就嚟到，佢嚟到好似仲唔放心咁，但放眼望去，一個人影都無。

「無事架，有屁就好快啲放啦！」到我惡返佢。

「頭先係教員室唔係好撚惡咩？唔係好巴閉咩？」我反客為主，誓言要串到佢仆街。

「如果唔係之後無時間同你講，我洗鬼同你做場戲咩？」





很好！又俾佢無視，仲要直接拎埋個飯盒食添。

算！唔同佢計，想必發生件大事。於是我關心下佢，「做咩事呀？」

家姐食到嘴角有飯粒，但一副楚楚可憐嘅樣望住我。

「嗱！無用架！咁樣望住我無用架！」我心知不妙。

跟住家姐講都唔講，就流咗兩條馬尿出嚟。嚇到我不知所措，因為我好少見到家姐喊，對上一次喊，已經係佢上大學失戀嘅時候，無見到嘅，只係聽到佢間房入面有喊聲姐。

「搞咩呀？」等家姐喊完之後我再問。