《我家姐竟然做咗我班主任？？？》: 【1】

一到新開學期，又會諗起歐陽震華，雖然係李克勤唱嘅。
 
『同學各位找各位~~~這是你的開學禮~~~』
 
今日返學，我已經好撚興奮，晨咁早起身，好有精神。
 
點解？
 
因為我係暑假得知，我哋全級最靚嘅女仔——漫澄，將會光臨我哋班。
 




我哋班男仔已經講掂曬啦，我哋全班得40個人，男女啱啱好一半，20男20女。
 
我哋全班男仔一於早啲返去，一人霸一個位，然後隔離唔好坐人，睇下女神坐邊個度。
 
一返到去，果然佢哋都到曬，得我一個最遲。
 
「大英雄，乜你咁撚遲架？」爛口輝一如佢嘅作風，又爛口爆粗。
 
我叫戴英雄，由細到大啲人都叫我做大英雄，我深深覺得我老豆老母係玩鳩我。
 




「我估唔到你哋咁撚早姐。」
 
我哋提早咗成個鐘返嚟，走廊度係一個人都無。
 
我哋準備好之後，就衝咗入去揾定個靚位。
 
我已經計算好架啦，經過我仔細嘅分析，漫澄佢一路以嚟讀書都好好，所以我估計佢會比較坐前面。
 
所以我會揀前面啲嘅位。
 




我屌你哋個老母呀？仆街﹗
 
班友仔同我揀曬前面，搞到我要坐第二行，原來佢哋都蠢唔曬﹗真係呢…….
 
咁正常會揀後面啲架嘛，可以得閒無事做下其他嘢。
 
我無嘢好講。
 
「喂﹗聽講我哋班主任好索喔﹗」我隔離再隔離嘅小小明擺出一個咸濕樣，睇嚟應該幾正下。
 
呀﹗係啦，我今年form4，讀econ同中史。
 
「點呀，有幾索？」我參戰。
 
然後一班男仔圍埋一齊係度傾，「聽講好後生，長腿，有波，樣唔差﹗」




 
講到好似AV咁索咁，會唔會我哋班男仔忍唔住衝上去，輪班主任大米？
 
咦﹗諗起都覺得變態﹗
 
但係我哋班仔就講到好變態，咩中出100連發呀，千人斬呀之類，我都廢事聽。
 
見到我班啲女仔陸陸續續咁返嚟，我都無再參戰，我純粹想好奇一下班主任有幾正。
 
於是我決定去轉廁所，避開下。
 
點知返到去，已經見到漫澄坐係我個位隔離，我個位係比較靠窗，而佢就正正坐係窗邊，而我就係隔離。
 
佢低頭係度整理緊個書包，紥起咗條長長嘅馬尾，精緻嘅臉蛋，同埋齊陰，真係好得意好靚。
 




我個心無跳得好勁，但我feel到成個人好緊張……
 
坐係佢隔離。
 
但我哋一句聲都無講過，令我覺得好尷尬，但佢完全無嘢。
 
無幾耐，鐘聲響起，我哋都坐好，啲男仔就雙眼有神，盯住門口睇，期待嗰位索到仆街嘅miss。
 
過咗一陣，一個長髮飄逸，身材娥娜多姿嘅女人，手中捧住一堆書同file緩緩走入課室。
 
我唔知我係咪我睇錯，個班主任係咪我家姐嚟？
 
但佢著嘅及膝裙同淺藍色襯衫，真係係我屋企見過。
 
我知我家姐係老師，有教開書，但唔係教喱區，做乜鬼會係喱度見到佢？撞你個鬼囉﹗




 
「哇﹗」全班男仔都露出讚嘆不已嘅叫聲，同埋色迷迷嘅眼光。
 
只有我一個感到訝異，點解我家姐會出現係喱度？