《有人講過叫Kayan既都係靚女》: 聖誕節

話咁快就到十二月，周圍滿滿地充斥着聖誕節嘅氣味。
而今日係聖誕假前嘅前夕。

「你有冇人約呀？」卓翹一臉期待地問。
「唔會有。」但嘉欣只係好冷淡咁回應咗句，簡單嘅一句卻滿載住單身嘅味道。
「而家有。」
「你？」
「係。」

嘉欣會心地笑咗一吓。其實自從中一以黎就冇人陪過佢過聖誕。





「女，今個聖誕不如我地去行美國嘅紐約，玩美國嘅樂園，食美國嘅漢堡包好唔好？」呢個係嘉欣嘅爸爸。
「好呀好呀！」睇緊書嘅嘉欣頓時開心到跳咗起身。
「我地仲去見埋金Uncle好唔好？」
嘉欣臉色頓時變到好似墨水咁黑，腳開始係地上狂揼。
「點解呀！你地又想帶我同佢單獨傾計咋嘛！」
嘉欣媽咪完全忍耐不住佢個女一刻嘅煩躁不安。
「啪..」
嘉欣媽咪手中握住只剩下半邊嘅衣架，臉上則顯露住老虎般嘅兇惡。頓時，嘉欣跪低，皮肉上出現咗2條狠狠完全冇留手嘅瘀痕，顏色呈深藍。而屋裏寧靜得只係聽到大家嘅呼吸聲。