妳已被刻在心裡: 第十七章----特別的一天（二）

第十七章----特別的一天（二）






我們整理好行裝後，便離開了小藍的家。

我地最後決定去的地方是「恐怖蠟像館」...





說笑而已，是去山頂的蠟像館。

幸好今天是平日，街上的人不多、乘車的人不多，希望山頂也不多人吧...



說實話，我真的甚少去山頂，因為又遠又多人...

但既然小藍提早的，我也會贊成。





不知是不是有小藍伴我睡的原故，即使昨天已累透，今天的我...彷彿所有勞累都一掃而空。

在乘車時，大家都期待著。我們偶爾亦會一起回憶許多曾經。



「呀鋒，仲記唔記得我地係點識架」她將頭靠在我的肩

「點會唔記得呀」然後我再說





「我記得有個女仔同我爭位...見佢楚楚可憐咁，咪讓個位比佢囉」

「車！淨係記得呢啲」

「好重要架，唔係張凳...我都唔會識到妳」我輕輕的摸着她的頭。然後再問

「但係點解嗰時妳搵我幫手，妳要將個限期設定為一個星期...妳唔驚過左限期...我會離開妳？」

她依然靠在我的肩

「驚架！但係...你依家咪仲係我身邊」

「其實...我有啲唔明，我究竟有啲咩吸引到妳呢？好過我嘅...靚仔過我嘅...真係大有人在啦」





「你覺得我係啲睇外在嘅女仔咩」

「唔係...」

「我當初係度諗，邊有人會咁傻架，自修室都讓座」小藍邊笑邊再說

「但後來我發現，呢個人原來係好細心好溫柔，一定唔係為左識女仔先去自修室。同你最初識嗰一個月裡面，真係開心。有時仲會諗...如果自修室開廿四小時就好啦」

「妳真係好傻呀，點解妳又要搵我做妳一星期男朋友？」

她看着我「因為我諗唔到點同你表白...」然後她吐舌一笑，然後再說

「所以我就諗住用一星期男朋友黎當係表白，我嗰時諗...如果你都對我有感覺，限期自然可以唔洗理會，但...如果你對我冇感覺...咁嗰限期就係用黎還你自由」

聽到後，我拖着她的手，然後說





「傻瓜，妳知唔知個限期搞到我好苦惱...其實由妳第一次送粒朱古力比我嗰陣，我已經好期待再見到妳，同妳相處嗰一個月我都好開心」

「咁你又唔同我表白...」

「咁係因為...」我欲言又止，「小藍，其實我有啲野想同妳講...」氣氛忽然變得沉重

「嗯？！」她定睛的看着我

「其實...沉晚妳見到嘅泳希，唔係我補習老師...佢係我前女友...」



其實我大可以一直騙妳，不說出真相和感受。但我知道...我們之間必需要真誠相待。










.

歡迎追稿和留言,分享你們的看法
這對我來說是出文的動力!