[深夜重口味] ABC 女教師的性事: 感想

多謝各位花時間睇完呢個故仔，更加要多謝留過言嘅看倌，大家喜歡呢個故仔嗎?

呢個係小弟第 4 個連載故事 (事實係第 5 個，不過有一個故仔冇發表到)，小弟嚮以前嘅感想講過，我每個故仔都會試新野，呢個故仔有好多第一次:

1) 第一次寫完一集出一集 (以前係成個寫晒八九成先開始連載)，好處係可以按讀者反應調節內容，但缺點係每集之間有時要等好耐，冷卻了讀者追故嘅熱情。

2) 第一次用女仔第一身講故事，大家覺得 Celestine 似女仔嗎? 還是都只係男人扮女人? 小弟身邊冇可供參考嘅女性，好多(自以為)女性想法都係由其他(好似係)女性寫嘅 post 聯想出嚟，希望唔太差吧?

3) 第一次對住 AV 寫，唔係參考，係照抄，我成日諗究竟可唔可以用文字表達 AV 內容呢? 原來好攰的，如果 AV 有劇本，寫果個真係辛苦，不過總算係一次體驗。



如果要我比較自己幾個故仔，始終我最喜愛女神日記，可能經歷唔同了，寫故事嘅感覺亦唔同了，相信冇可能返去寫人妻下屬同女神日記時果種痴線狀態，但點都好，呢個故事應該會嚮我記憶中留下深刻印象，亦希望嚮大家嘅閱讀史中留下一個位置。

多謝!