去到呢一刻，我仲係到諗緊當初為左條女而入去坐監是咪值得: 3。2 （我今日內可以補番比大家既！）
「下！？點解你會知我好急咁過黎Soul Sis？？你跟蹤我？？」Anna既表情由熱情期待變為疑惑和焦慮，我覺得佢會覺得我好撚變態。我連忙地為自己解話，我並唔係想解釋自己唔係一個變態，而是我想同佢解釋我唔係跟蹤佢，希望自己不要被Anna誤會。「唔係呀！剛剛你經過七十一附近，其實我咁岩又經過啊，不過我慢慢行，你走得好快，所以你應該見我唔到。」
「即係咁，我行去Soul Sis就經過三間七十一，請問你係講緊邊間七十一呢？」原來Anna係一個好認真既人，她很希望知道我在哪一個七十一遇見了她。其實我在哪一間七十一遇見了她又有什麼關係呢？到底為什麼她那麼想知道我在哪一間七十一遇見了她呢？我不曉，但我決定不再思考這個問題。
Anna見我飲完杯野好耐，但我又一直都冇再倒酒再飲，於是佢又幫我倒酒，佢一路倒一路望住我，好似等緊我答佢咁樣。「我屋企樓下間七十一囉！」其實我講完呢一句之後，我即刻覺得自己有少少笨柒，因為......
當你聽到我呢句說話之後，你第一個自然表情係不安，之後你即刻用一個好期待既眼神望著我，你問我「你屋企住係邊架？」。但係，我睇得出你係想掩飾自己不安。只係，我無謂去過問咁多。
「咪係_______囉！好近Soul Sis架咋！你中意咪上泥我屋企囉，我唔介意架喎。」我既語氣講到自己好似講緊笑咁，但其實我真係好想你上我屋企。
「你就想呀！」你既語氣其實係十分挑逗，我覺得你最後會上我屋企。定係每個少女都係會咁樣同男人講野？定係我只係ff緊？我真的不曉，但我係唔會放棄任何一個機會。
「係喎，咁點解你今日會黎Dick既生日party？你同佢好熟？」我嘗試問你更多，因為我真係好想認識你。
「um......我同佢唔係好熟架咋，不過佢生日同埋佢邀請我過黎佢既Party，咁我咪泥下囉。」你講到好似冇咩野咁。但我知成件事肯撚定就係，你好撚正，所以Dick叫你過黎，睇下有冇機會同你上床。
「Dick佢好好人架，佢請曬我地去佢個生日party」雖然我真係唔想將你交比Dick，但係我唔可以為左討好你而踩低Dick黎抬高自己。我係一個好重情重義既人，我係唔會出賣身邊自己既人。
「其實我覺得......」你講到呢到，我地班人係到大叫「喂！咁多位，好快就到Dick既生日喇，準備喇喂！」
我又再一次飲曬你幫我倒既杯酒。其實今日我黎既目的主要唔係飲酒，亦都唔係識女仔，雖然都算係，但係唔係主打，重點節目係慶祝Dick生日。依家時間係去到11點59分，距離Dick生日同埋Boxing day只有六十秒。我看見Dick同緊長腿和含撚嘴傾得好開心，而且你笑得好撚淫。大家都係男人，我完全明白。
#遇上你是一件很特別的事情，我期待你那句「其實我覺得......」