一個毒撚，經過一次網戀，重新做人。: 與眾不同的你

「係呢，你除左打LOL平時有咩做咖 19:10」
「無呀，平時唔係打機就係訓覺咖啦 19:11」
你係咪覺得 係我主動問佢呢？
錯哂啦，
都話左我係個毒撚，雖然話我網上同過好多人講野，但始終都係好被動。

不過呢個女仔都幾主動下，
平時多數都係我睇下個女仔profile再睇下有無計傾，
係我仲睇緊個陣佢就馬上send message黎，
感覺上可以同佢熟落去。





我:「咁你呢？一個女仔點解會鐘意打機？ 19:12」
晴:「無呀，平時聽書聽到悶，咪返到黎打下機輕鬆下，同埋可以識下朋友，好似你 :P 19:12」
我:「同我好似喎，睇黎我地應該可以做個幾好嘅朋友 19:14」
晴:「係咩😂？不如你俾你個電話號碼我，我wts你呀，好唔慣用Facebook其實 19:14」
其實，我都想咁講。
但唔知點解，
可能佢真係好主動，
但佢俾到我嘅感覺啦，
佢好係另一個我咁。




甚至可能比起我係網上識朋友更有經驗。

我地交換左個電話號碼後，就開始WTS。
晴:「其實呢，你係住邊區咖？」
我:「我住荃灣咖，你呢？」
晴:「我住青衣咖，幾近喎！」
我:「係咩，咁又真係幾近喎，可以揾日出黎見個面哈哈」
當然啦，呢句只係講下，
我無諗過聽日，後日嘅日子，
更加無諗過約網友出黎見。




晴:「好呀！有機會既話！」
睇到呢句幾驚下，
因為我唔知會發生咩事...
從來無諗過網友係現實見過。
亦都因為反應唔到我無覆到佢。

過左半個鐘
晴:「話說你平時係學校係點咖？」
我:「無呀，本身都無心讀書，都係同啲Friend玩下吹下水就放學」
晴:「哦...」
之後我地再互問左好多野。
發現左，
原來佢真係同我同年，
但係佢同我唔到嘅係，
佢讀書唔差，成日去圖書館睇書。




學霸呀...

慢慢地，我對佢都有一定嘅了解。
而我，
覺得，
佢真係好唔同，
相比於其他網友。





----------------------------------------------------------------------------------------------------------------------------------
原來個陣
已經覺得我地有種




非比尋常嘅關係。