二百尺的同居生活（完）（SP二章更新）: 第四十三章 - 醒覺一剎
[叮噹……]門鈴聲響得在走廊也聽得清楚
一會兒大門打開，一身居家服的灰灰出現在我面前。他的反應明顯是在驚訝為甚麼我會在晚上時候走了過來。
[搞乜咁夜走過嚟？]
[無，突然想嚟搵你打機啫。]
我拿出手上剛在樓下超市購買的零食。薯片，汽水，零食腸，甚麼我也買了一大堆，像是害怕會有食完的一天一樣。他看了看我手上的東西，表情有點兒擔憂。
[PS4攞咗去整，得番部PS3咋，你打唔打？]
[都得啦~ ]我馬上除掉皮鞋入屋，在客廳的大枱上放好零食，接著走到電視前開啟遊戲機。
[有咩野game呀？]
[咪又係嗰啲。]
他走到枱前，把零食從膠袋中拿出。
[你無入新game咩？]
[入尼做乜，PS3都無人玩啦。]
[無人玩啲二手game咪平囉~ ]
[我寧願留返啲錢買新芒享好過~ ]
我把一隻GVGEX Full boost 放入機中，然後拿起手制。
[今晚我就要打到你變叉鴨比~ ]
[你做到先算啦~ ]
他走過來坐下，同時拿起另一個手制，開始我們的遊戲。時間慢慢過去，我們從8:00開始，一直打了差不多接近三個小時的時間。
[呀！竟然可以零距離回避，你條油係咪人尼㗎！]我看著電視中的敗北畫面說
[哈哈哈！普通人又點贏到newtype呀~ 哈哈哈哈！]他一面得戚的笑容說着，同時於右手邊拿出一片薯片放進口裏。
[尼多場，我就唔信打唔死你！]我再次拿起手制按着
[唔，就尼11點喇喎。]
我看一看鐘上的時間，10:54。明顯已經不早，是時候回家了…… 可是，我現在真的不想回去。一想起在家中的芷欣。一種莫名其妙的恐懼就湧出心外，把一切都拒絕起來，我變得害怕面對她…… 但，即使是這樣也不可能打搞別人太多。
[又係喎，11點喇，都係時候要走喇…… ]我邊說邊開始收拾帶來的物品，可是手腳卻放慢起來，那怕只是一秒也好，也想稍為遲一點回去。
[喂，留唔留低瞓晚。]
[吓？]我轉身看着說話的灰灰
[得咩？你屋企人ok咩？]
[唉，佢地就係去咗旅行我先話得，頭先打咁耐機你唔覺嘅咩…… ]
說起來屋內的確非常安靜， 剛才被遊戲機影響，竟然會察覺不到。
[咁，好啦。]我如釋重負的說
[嗯。]
我拿出手機，向芷欣發了一個訊息告訴她今晚不回去，然後過了一會，雙藍剔顯示。但，沒有回覆。
…………………………
黑夜裏，我們都身在灰灰的房間中。我睡在他剛剛舖好的地氈上，而旁邊就是他睡的單人床。
[喂，做乜無啦啦要我留低瞓？]
[你唔想番去呀嘛，咪叫你留低囉。]
他躺在床上大字型的說着，同時我淺笑了一下
[唔該曬~ ]
[唔洗唔該，遲啲到我俾燕子趕出尼嗰陣，記得收留我就得喇。]
[哈，有依日先算啦~ ]
房間安靜了一下，接著他再次說話。
[喂，你有幾耐無尼過夜喇？]
[至少都有5年，小學之後都無留過。]
[我地都差唔多做咗成10年兄弟。]
[過咗啦，我哋小一已經同班喇。]
[但係真正開始friend嗰陣係小二呢。]
[係咩。]
[嗰陣紅磡有個高達展覽，我哋係嗰度撞到，之後先friend。]
[咁耐你都記得？]
[我仲記得你條粉腸嗰日做咗啲乜添。]他繼續說着
[嗰陣我全副身家得20蚊，你明知個抽獎搵笨都仲要我去抽。驚到我個心離一離。]
[最後你都好似抽到盒mg呀~ 抵返曬啦。]
[多得你的狗屎運姐，嗰下抽唔到我就真係殺咗你~。]他從床上把一張揸成球狀的廢紙掉到我身上。
[哈，我抽獎從來都唔會抽唔到~]我反擊的把廢紙球回掉他
[不過嗰陣時既你真係乜都夠膽死做，同依家唔同……]
[咩野意思……]
[唔知呢~ 好~瞓覺，早你個靚頭。]接著轉身背向我睡
他沒有再發出聲音，如他所言，他睡著了。我躺在暖笠笠的被窩中，思考着他最後的一句說話。也許這句話其實本身並沒有什麼意義，可能連他本人也不太明白。但，卻令我異常的在意。這樣的我慢慢也進入夢鄉。
…………………………
接著的一天到來，今天我是從灰灰家出發投學，昨晚多虧有這個兄弟，讓我逃避了一次，也讓我休息了一次。今晚，我也得好好回家面對芷欣…… 雖然痛苦，但也是需要正視的。我不可能不見她一世……
回到學校，我們回到班房門外。在進入的一剎那，我望向後排灰灰的位置，她依然坐在這裏。在看到她的瞬間，心口處發出了清晰而用力的心跳聲，就好像發出警告信號一樣，阻止我繼續在她身上停留，一下一下快速的心跳使我快要窒息起來。
我知道，自己還未做好見她的準備。
[sorry，你入去先啦。]
我馬上衝出班房外，向樓梯的方向跑去。一直跑……一直跑……直至再跑不動為止。我站在樓梯之中，發覺自己不知不覺已經跑了到最底層。氣喘着，同時為自己的軟弱自責。為甚麼就是要害怕……我到底在怕甚麼……
[樂樂？……]
一把聲音把我帶回現實，我望向聲音的主人。
[敏敏……]
[你，無事呀嘛……]她輕聲的問
[我無事… 無事… ]
我向她揮手示意，接著開始轉身步上樓梯離開。突然，身上的校服尾被從後捉緊。
[你哋嘅事，我知道曬喇，嗰日唔係我醉咗，都唔會變成咁。好對唔住…… ]
她更用力地捉着，就好像後悔着一切般的。從前被拉着的我能感受得到，她現在的心情…… 明明，做錯的人不是她，為甚麼道歉悔疚的會是她。
[你無錯，做錯嘅人係我，你唔需要道歉。 ]
[但係唔係因為我，件事就唔會發生…… 我明明講過唔想你因為我唔開心…… ]
[敏敏，真係唔關你事，係我自己一手造成。]
[樂樂……]
[唔好意思敏敏，我想一個人靜下。]
[嗯… ]
她回應後放開捉緊我的手，接著默默離開，而我只是獨自留在原地，繼續反省自己的弱小。直至上課的鐘聲響起才回去。
………………………………
[叮~噹~叮~噹~........]
放學的鐘聲響起，最後的一節課，結束在何sir的數學科之中。
[你哋番去記得溫書呀吓！落堂。]
他說，接著向門口方向離開。當走到我面前時，卻突然看著我。
[鄭樂祈，你跟我去教員室。]
如果是平日的我，一定會跟他問個究竟。但，現在的我卻沒有這個動力，我已經心力交瘁，所以還是合作的跟了去。
到達教員室的門外，何sir把手上的東西放在一邊後開始對我說着。
[樂祈，你依排做乜野呀！啲成績又跌返落去嘅？]他一面擔憂的問
[sorry sir……]
[就尼DSE㗎喇，你再係咁大學就真係唔洗諗嘞… ]
被他這樣一說，我變得無法回答，只是一直低下頭來。
[係咪因為同女朋友嘅事搞到集中唔到精神呀？]
我對何sir突然說出的這句話驚訝起來。
[係咪呀？]
我輕輕點了一下頭
[果然係咁，雖然依件事我都聽到啲人講過… 但你都唔可以搞到自己啲成績一落千丈㗎…快啲處理好佢，唔好再俾佢影響自己… ]
[我知道嘞…… ]
[……]
[你哋發生咗咩野事？講尼聽下，睇下幫唔幫到你。]
[吓…唔洗啦…我自己會處理好……]
[我作為一個老師，又係你班主任，我有義務去幫你，況且老師既人生經驗一定多過你，聽下都無防呀。]
我思索了一下，決定告訴他。事到如今其實說不說也沒甚麼所謂。
[我… 做咗件好錯既事……一件徹底傷咗佢心嘅事。我好想同佢道歉，但係又好驚去面對佢……]
[……]
[你點解要驚呢，應該問有乜野好驚？]
[可能係驚……佢已經唔想聽我既說話……唔想見到我……]
[其實你唔需要去驚，頭先你講既野全部都只係你覺得，但係又係咪真係會發生呢？所有野都只係假設。]
[假設？……]
[嗯，嘅然係假設就唔使諗咁多，亦唔需要諗咁多，你唔係大人，諗咁多都無用。]
[…………]
[又或者咁講… 你哋只係十幾歲，仲係個細路，橫衝直撞係你哋嘅特權尼，到真係做錯咗嘅時候再後悔都未遲，但係未做就驚咗先係無用㗎。]
[…………]
[一諗到就去做，做錯咗就接受懲罰，然後係錯誤裏面吸收經驗，慢慢去成長。依種就係青春~ ]
[樂祈，依家嘅你係正人生最青春嘅階段，同樣芷欣佢都一樣，嘅然你哋同樣都仲有資格去感受依個時間嘅特別，就應該好好去享受屬於你哋嘅青春，過好自己既每一日，唔好俾自已後悔。因為驚會做錯選擇而未開始就放棄，依嗰唔係你依嗰年紀應該有嘅諗法同做法尼。明白未~ ]
…… 想不到， 竟然會有被何sir教育人生的一天…… 但，的確如他所說的的一樣~ 不走出第一步… 結果，一輩子也不會知~
也許，我真的被這個班主任拯救了也說不定~
[明明只係何sir，係到講乜鬼大道理……]
[老師，就係鍾意成日講大道理嘅人尼~ ]
[何sir，我想走先~ ]
[已經諗通咗嗱~]
[唔係，我都仲係好驚，亦無信心佢會接受。只不過…… 我想試下行依一步，比起乜都唔做最後失去所有野，至少我對得往自己~ ]
[好呀~ 俾心機啦]
[何sir~ ]
[點呀。]
[你係最黑人憎嘅老師~ 但，亦係最好嘅班主任尼~]
[哈哈~ 走啦~ ]
我向他鞠了個躬，接著轉個身向校門方向前進。在離開學校後，我拿出手機，向芷欣傳了一個訊息。
（欣，我有野好想親口同你講，我只係要5分鐘就得，你可唔可以俾個機會我講）
一會兒後，她看了~ 同時~
（嗯）
她終於，再一次傳來回覆~
（係屋企等我，我依家番尼）
我收起手機，急不及待向小巴站的方向跑去，
我要，走出我的第一步。
為了我所期待的未來，
我所渴望的未來，
還有，她所存在的未來~
現在，
這一刻，
就由我來，
走出這一步吧~
巨影於身旁飛過，同時世界變得虛幻無比，我聽不到…… 看不到…… 甚麼也感受不到…… 眼前只剩下白茫茫一片的景色，還有無數混濁的噪音。手，還有感覺，有一種濕滑的感覺，舉起這隻手看看，我才發現
血流不止……
…………………………
在家中，芷欣正坐在梳化中等待著，等待著他的回來。緊張感使她把手機握得愈來愈緊。她打開了電視，希望電視的聲音，能幫助擺脫心底裏的鬱結。
[特別新聞報道，葵芳葵涌廣場對出小巴站發生交通意外，一名男學生被撞至重傷昏迷，正送往瑪嘉烈醫院治理，肇事司機涉嫌危險駕駛被捕……]
她，看著電視中正在放出的傷者名字……
鄭樂祈