二百尺的同居生活（完）（SP二章更新）: 第三十二章 - 燕之疼惜

下午4:30，我隻身來到一間位於荃灣名為《轉角·見》的樓下cafe。拉開玻璃大門，徐即感受到一陣陣的文青氣息，店內柔和的BGM，搭著純色系的家具，牆上寫著線條優美的英文短句，感覺心情變得特別舒暢，難怪那麼多人會突意走來打卡呃like吧~~。

[呀樂！~]燕子向我招手，發現她的我漫步走近，來到她對岸的位置坐下。

[你真係吖，約人嗰個遲到都有㗎~]她雙手托著面蛋對我笑說
[係你早到啫~我約你搭半依家先過咗一分鐘~~]我把身上的風褸除下
[係咩~hehe~~]她說，接著做出貓抓敲頭的動作裝着傻
[先生，請問想要咩野呢？]突然一位長髮女店員走近，剛坐下不足三分鐘的我呆了一下，她們對工作也太積極了吧……我想了想，決定這樣回答[咁~你有無咩野野飲推介？]
[我哋今日既金牛特飲唔錯㗎，啲雪糕都好大個~]她微笑的說
[咁就依個啦~]我回應




[好呀~請等等~]她回說並轉身離開
[啊樂你撩女都幾掂喎~~]燕子雙手按在嘴上偷笑著
[白痴~你幾時學咗死人灰講野唔用腦……]我伸手從她額頭上一彈，無好氣的說
[呀！好痛呀！啊樂你虾人既……]她摸著發痛的額頭，扁起嘴臉說著
[你自作自受啫~~]我說，接著彎下腰從背包中拿出那隻比卡超毛公仔交到她眼前
[嗱~]她馬上搶去原先在我手的公仔
[呀！我搵咗佢好耐嘞！點解係你到既？！]她一邊檢查一邊說
[你噚日跌咗係學校門口，好彩我執到咋~]我說著，但燕子只是一直埋頭弄著失而復得的比卡超。

[…………]





[…………]

[……]

[…]

[你點解退學………]我說出了這個問題，今天約她見面的目的……燕子停止了毛公仔的整理，整個人開始靜了下來…………然後…她抬起頭來。

[俾你知道咗㖭~hehe……]她苦笑著，然後她繼續說著




[我呢，要移民嘞~~]
[移民？……]我呆看著她
[嗯~去美國~星期日就飛嘞~~]
[點解…咁突然……]我再問
[唔突然啦，其實屋企人plan咗好耐㗎喇，只係最近先搞好啲手續啫~~]她微笑地說
[點解…你唔話我哋知？…]我開始著急起來。
[我又唔係一世都唔番尼既~過幾年我會番番尼~同埋~我都唔想大家唔開心~~]她依然充滿笑容

[…………]

[…………]

這是甚麼理由……甚麼道理…………

[你真係…一個白痴尼……]我說




[吓？]她愕然
[你覺得你粒聲唔出走咗去大家真係會開心咩？]我突然嚴肅起來
[無同你搞Farewell，無去送你機，無留低回憶，就連你走咗都唔知……大家真係會開心咩……]我說繼續說著，同時眼前的燕子已經默默落下頭來。

[對唔住……]她細語著
[我只係想係最後幾日，可以同大家開開心心咁過……如果大家知我要走一定會好難過……所以…………]一點淚珠從她眼中流出，同時泣聲叠現。
[…………]

我伸出手，從對岸位置輕撫她前已垂下的頭
[傻妹，你唔出聲我哋先係最難過呀~~]我繼續溫柔地模著她，就像哥哥一樣安撫着自己最疼惜的妹妹。

…………………………

[先生你杯金牛]女店員吧喝品放到我面前，接著轉身離開





眼前的燕子早已抹乾淚水，回復為平日歡樂的她~~的確，她處事一向看得很開。我也十分喜歡這樣的她~~只是她很快就要離開……一想到這裏，心口裏就被不捨感覺壓得快爆……能為她做點事嗎？至少，留個回憶也好吧~~此時我的嘴巴已快過了思考

[燕子~]我叫
[？]她看著我
[我地聽日同你攪farewell啦！由朝玩到晚！你想去邊就去邊~…………]我手舞足動，高興的說著
[hehe~係米真㗎~我想點都得？~~]她露出一個疑惑的眼神
[得！你想點都得！]我笑著說
[咁好啦~~]她突然奸笑著
[你唔會諗住整蠱人掛……]我背後突然不寒而慄
[唔會~點會呢~~仲有，你個雪糕就嚟融曬喇~~]她笑說

我看一看放在我右手邊的金牛特飲，雪糕頂部已開始溶化， 融出來的液體也快流到了杯墊…我馬上拿起旁邊的鐵羹，一下吧雪糕插下去…………

[沙~~~~~~~~]





忌廉從杯口射出，雪糕的體積令射出的速度進一步上升！

[呀！~~]燕子驚叫了一下，接著， 甜蜜蜜的忌廉跑到她的身上……然後，場面一下子變得，混亂不堪……

………………………………

晚上，在家中的梳化，我正打電話給灰灰

[喂？]
[喂，燕子就尼走喇。]我問
[我知呀~~佢一早同我講咗啦]他回
[吓？你一早知做乜唔出聲呀！]我回說
[佢叫我唔好講既~~~]他得意的說
[唉…算啦，咁我哋聽日同佢攪farewell你尼唔尼？]我無好氣的說
[ok呀~]他說




[咁聽日見啦…]接著掛斷電話

我把手機放到檯面，然後平躺在梳化上，對於明日的farewell party既期待亦不捨。