我係老蘭做清潔的，點知變左party Queen: 70

70

Avis 呆呆坐在Sindy 辦公室中，思想放空地看著前方。她對今日一整天發生的事都十分震撼。雖然有了心理準備，為了報復她預了會做任何事。只是所有所有來得比想像中強烈。由報復而生的派對，一開始面對Alan 的憤恨，看著他受辱變得破破爛爛的不忍，再到親眼看到他和其他人做愛的失望，到竟為了報復主動勾男人。這所有所有感受再一次襲來。特別是當HG 進入自己體內時，那恐懼，快感，及對Alan 的恨一次過爆發。HG 每一下抽插，使她痛苦，但這快慰的苦楚慢慢令她忘記所有。 有一刻她竟享受在性愛的忘我。直到HG 把精液射在她肚皮的一刻才回到現實。Avis 愈想愈害怕自己，她慣性地爪緊自己手臂，紅紅的爪痕又烙在她肌膚上。這時sindy 走進來，坐在Avis 身邊。

「今日好痴線可？ 你覺得點？ 」

「所有野都好唔真實⋯ 我好混亂⋯ 我咁做係錯⋯ 定岩？」

這時sindy 把緊Avis , 給予安慰。



「傻女，無事既。 或者我無資格講你咩，但你唔好再報咩仇，你仲有得揀，仲輕生。唔好為一個人男人，影響自己一世。」

「但⋯ 係你⋯ 」

「係我當初叫你報復，重新來過係唔係？ 」

「嗯⋯ 」

「無錯，當初係我私心，想報復，令你變成我一隻棋。其實我同Alan 對你做既，本質上都無分別。但你根本唔係呢種人，唔通你手上既傷痕我睇唔到咩。我想報仇姐，未致於要人出事。 應承我唔好再傷害自己。今日你終於報復，你開心嗎？ 」



「⋯⋯ 我唔清楚⋯ 唔係開心既感覺。」

「傻女, 我係過來人，復仇真係無意義，但卻令人迷失當中，當完成後先發現你一無所有。我唔俾一個機會你去體會，你可能一世都只會去記恨。我用左大半生去恨Alan 的爸爸，為左追趕佢令自己變得不再是自己，嫁了另一個令自己更痛苦得男人。 到頭來我失去更多。我恨Alan 既原因就係我本來放底左咁多年既怨恨，被佢一個自私理由打開左！ 」

「咁你仲會搵Alan 報復？ 」

「哦～ 仲有人關心佢喎!」

「邊個會關心個咁既賤人！ 」



「哈哈，我唔知我仲會唔會搵佢報仇。我同佢一家既恩怨已經亂到唔知點解。可能我同佢會無止境咁鬥落去。」

「咁你又話報仇無意義⋯ 你又⋯ 」

「你個衰女～人既感情好難講得清楚，我已經返唔到轉頭，都一把年紀～你唔同！ 仲有得重新來過。我提一提你先，你對Alan點你先最清楚。不過⋯ 我今日對佢好失望，本來我對佢博晒命想保護你都有點欣賞，但最後竟然都係輸左情慾上，仲要係你面前⋯ 真係唔抵可憐！ 」

「其實諗返轉頭⋯ 情況有點奇怪⋯ Alan 佢突然跌低，神情又奇怪⋯ 」

「心痛人地la 」

「無啊！ 只係我覺得奇怪⋯ 總覺得唔似佢會做既事⋯ 可能我諗多左。」

「好！ 唔講佢住，講正經野先，我已經叫將你個名係間海外空殼公司轉走，日後有咩事，都唔會影響你，我會証明唔關你既事。對唔住，我之前利用你，但宜家我想你重新來過。仲有我真心想收你做契女，你覺得點？ 」

「唔好咁講⋯ 雖然我地相識既方式怪怪地,但你的確幫我好多，又教我好多野。如果你想，我好開心。 契媽。」



「乖～ 」

這時門外站著一個身影，她稍稍地記下Sindy 及Avis 的一言一語。卻偷偷地離開打電話給某人⋯

「係我, simple ! 我有野同你講」

看來黑暗的旋渦仍要繼續吞噬眾人。