我係老蘭做清潔的，點知變左party Queen: 15

15 
可能心虛， 我竟然會對老公說謊。我不想他知道Alan存在。事實上明明我同Alan 之間一點事也沒有⋯ 也許有點⋯ 但錯不在我⋯ 話說我為什麼他一句就要趕去警局。

我來到警局，終於找到Alan,看到他手帶手扣，滿身傷痕，眼角紅腫，坐在一旁。我不禁擔心起來。我走近Alan ，擔心地問他。

宜： 你到底發生咩事！ 傷到咁仲要入警局！ 
Alan: 你老闆我做邊行？ 賣酒嫁！ 有人來打架好正常！ 
宜： 你無事？ 死得未？ 去左醫院？ 
Alan： 去左， 幫我保釋出去！我身上無錢！ 你比住先，聽日比返你！ 
宜： 有無搞錯！ 仲要我來比錢！ 


Alan: 麻煩你！ 唔該啊！ 我會2倍奉還！ 

看著他一樣壞壞的笑話同哀求的語氣，我也再一次心軟。

宜： 你要還！ 聽日一定要還！ 我只幫你今次！ 
Alan: 一定！ 喂！ 警局入面所有亞sir 你地來做個證人！ 我有借有還！ 
宜： 得La ！得La ！ 唔好大叫！ 唔好搞啊sir ! 我信你！

我尷尬地喝停Alan 在警局大叫。這時一個女警走近我們。



哦！ 楊生！有人來保釋你？ 

一身制服，臉蛋漂亮的女警走近我，一手把一張表格掉給我。

卡文： 來保釋就填左張表佢！ 之後交完保釋金就走得。楊生，你女朋友來接你？ 
宜： madam ! 我唔係佢女友。我⋯ 我極其量是他員工。
卡文： 哦⋯ 老闆保釋就立刻出現，果然好做得野。 楊生，你員工真係對你好好，好忠心。
Alan: Avis 仲唔多謝madam 讚你！ madam 你都好好！ 錄口供態度又好！ 又要辛苦你坐一晚打report 。你地警察先辛苦。madam 坐得耐，要運動下，如果唔係屁股愈來愈大！ 
宜： 唔准咁叫我！ 仲有你想死！ 咁對madam 亂講野！ 
卡文： 無野，楊生都係善意提醒，不過我提一提你，你識人小心點。下次再打架，我想呢位小姐都保釋唔到你！ 



不知為何這位女警對我的眼神同語氣都有點敵意。不過我不理了⋯ 只想盡快離開。完成手續後，我同Alan 走出警局。

Alan: 唔該晒你，Avis
宜: 都叫你唔好咁叫我！ 你唔好再煩到我就得！ 
Alan: 話晒我仲係你老闆，叫你做野好正常。 都好夜！ 我送你回家。
宜： 唔洗，我唔想再同你有咩關係⋯ 

剛一說完，就回想起之前和Alan 在酒倉的情況，面龐不禁一熱。他真是個災星。到底他是個什麼人，捉摸不透，每次都被他弄得手忙腳亂，真是冤孽。

Alan : （又再招牌式壞笑） 你同我會有咩關係？ （他作勢向前把我迫向牆邊，他臉推近到我面前，他那一身古龍水又再撲向我來）
宜：你⋯你⋯ 又想點⋯ 
Alan: 我傷者來！ 腳軟呀嗎～ 你講，到底你講我們係咩關係呀？（他臉愈推愈近，快碰到我）
宜：你再⋯ 再唔走開，我會大叫⋯ 你都唔想一出警局，又入返去⋯ 



Alan 雙手舉起扮作投降，慢慢後退。

Alan: 好！ 我唔再蝦你！ 你聽日記得返工，我還錢給你。
宜： 你當然要還！ 無事既話，我走先⋯ 我唔想再對住你這個色魔。

我急急腳離開Alan 回家，突然他從後叫停我。

Alan: 宜，多謝你來保釋我，之前所有野，對唔住。 聽日見。

我愕然看著Alan, 一陣喜欣的心情從心底浮現出來。