比初戀傷害過而變成一個Player: 樓下

老豆十零分鐘就到左。

老豆：上車啦呀妹

樂儀：uncle 你好....唔好意思麻煩到你。

老豆：唔麻煩，都係盡下做父親既職責接埋個仔姐

頂你丫...又話本身直接番屋企...算





老豆：到喇，你地上去先啦，我去泊車。

樂儀:唔該曬uncle .

老豆：客咩氣丫，呀仔快啲帶人上去。

：恩。

樂儀目送老豆渣車落停車場之黎就同我講
：嘩你住呢到架...





：係呀.
樂儀：你咪人生勝利組...只不過讀書差啲姐。

比佢咁讚一讚，我都怕醜仔左。

：不如行啦。

樂儀：好呀。





樂儀：嘩，呢到好大呀，邊一幢先係你住果到呀？

：行入啲就係喇。

樂儀：係咪呢到呀？

我點頭示意，諗住攞卡出黎嘟開門果陣。
樂儀捉實我隻手，我心跳就好似練水閉氣三分鐘咁

樂儀嘟起嘴講：我.要.嘟.呀.

原來佢要試下嘟卡開門。

我笑住講：細路女咩。





樂儀：唔制呀，我要嘟呀。

其實我點會唔比佢嘟，只係，我想望多兩眼佢撒嬌既樣，真係好得意。

：你比我搣下你塊面丫。

樂儀紅住面問：下點解呀。

：想囉。

樂儀：好囉...
其實我都係第一次搣女仔塊臉，之前都有諗住搣呀敏塊臉，但係次次都唔成功，比佢擰番耳仔轉頭。

樂儀：好痛呀，唔好咁大力啦。





：Sor，無心。

樂儀：咁.我.嘟.得.未.呀？

：嘟啦嘟啦。

樂儀：你住幾樓呀？

：51

樂儀：咁高？咁咪好貴囉。

：都唔係我買，你問下我老豆囉。

樂儀：車，唔講咪唔講好叻咩？





但其實我真係唔知，佢嬲嬲地扁住嘴個樣真係心都溶呀。