比初戀傷害過而變成一個Player: 我的名字

無錯，佢叫緊既係我，張泳深。
點解會係女仔名？一切都要由細個講起。
我老豆母唔係一出世或者係我出世前幫我改名。
我老豆果邊係要下一代跟族譜黎改名。
我老豆就好死唔死，我臨出世先黎番大陸摷，一摷就摷左半年。因為佢跟本唔知阿爺放左響邊，阿爺果陣就同阿嫲去左環遊世界。
點解？點解佢地兩個老人家唔睇埋我出世先？因為我媽子身子就比正常人虛弱些少，醫生都一早講左有機會流產，我爸擔心佢地會太過傷心就請左佢地去環遊世界。
點解？點解我老豆可以一講就攞到筆錢去請呀爺呀嫲去環游世界？因為我地都算一個中上產家庭，老豆做生意成日係大陸同香港上上落落，係香港都有四層樓渣手同有車。
係出左世呢幾個月我一直都係無名氏，直到我呀媽帶左我去深水埗一間餐廳，部電視又播埋啲游水節目，我眼都唔眨咁睇住部電視，搞到我呀媽以為我鐘意游水，呢個時候老豆又打比我媽子話個名要有個森心琛芯深，總撚知係要有個字讀心字既。媽子就同老豆講我鐘意游水又響深水埗，不如叫張泳深？我老豆果斷就話好咁就比左我女仔名我。
不過都好彩冇改錯名既，我游水真係好撚勁，
老母以為我鐘意游水，就係我小二幫我報乜柒屎單福泳班，不過都好唔似啲怪獸家長要我補乜柒又學乜樂器又乘，做運動又可以強身健體。