《人生的最後一份功課》

今天是中六的最後上課天。之後就考文憑試，考完之後有的可能繼續升學，有的就可能踏入社會工作。

人生，隨著每人的成績表而有所不同。


這是最後的班主任課，在課室裹，大家依然有講有笑，完全沒有離別的感覺，完全沒有為自己畢業後的路擔憂的感覺。


這時班主任說了一句話：「大家靜啲，我有份功課要派」。






聽到這句話後，原本嘈吵的環境下，變得更加嘈吵。


Ａ同學：「啊ｓｉｒ，係咪玩野啊，都最後一日啦，派咩鬼野功課啊」。


其他同學和應：「咪就係囉啊ｓｉｒ」。






這時班主任沒有說話，反而慢慢地走到黑板前，拿走起了粉筆。


在黑板上寫上了兩個字──人生。


班主任：「呢份就係作為你地人生嘅最後一份功課，請容許我用小小時間去教大家點做呢份功課」。


聽到這句話後，原本嘈吵的環境下，變得一片寧靜。






班主任：「其實呢一份功課係我讀書時， 啊ｓｉｒ比嘅功課黎，呢份功課我已經完成左一大半，依家就交比你地去做，希望你地做得比我更好」。


大家都係很安靜專心地聆聽老師所講的每一個字。


「大家番完今天，之後就考文憑試，大家就要出黎面對呢個社會，社會唔似得學校，學校有功課你可以唔交最多記缺點記大過，學校上堂時訓教最多罰企罰留堂。但出到黎社會工作，你唔可以係工作上有咩閃失，如果你係工作上有任何閃失，最大可能就係冇左份工」。


「人生總係遇到困難同挑戰，但如果係遇到困難同挑戰的話，唔好去逃避同放棄，請你堅強咁面對困難同挑戰。困難同挑戰，就係為左磨練你先會出現，你一旦克服左呢啲困難，咁你嘅人生就會變得好唔同」。


「同埋呢份功課，人人都唔同，冇得抄人，人生嘅路係由自己行出黎，如果大家係呢份功課上遇唔問題唔識做嘅話，就請你好好請教身邊嘅人，係人生裹遇到的每一個人都是幫你成長你嘅人，朋友、家人、愛人、上司、同事等等，係佢地同你所發生嘅事，都係到令你成長同改變」。






「呢份功課冇限期，亦都冇標準嘅答案」。

「最後就請大家過好自己的人生，令自己的人生變得更精彩」。


「叮噹叮噹」放學的鐘聲打響了。


「各位同學再見！」。老師以９０度鞠躬，還流下了眼淚。
「老師再見！」。全班同學站立，同樣以９０度鞠躬，有些人還流下了眼淚。

─ 完 ​─