個晚訓着之後，我穿越左去第二個世界。: 第六章

「媽媽，究竟發生乜嘢事？」我握緊媽媽嘅手，生怕一放開就會永遠失去佢。

「唔得，唔得！惜時，我係唔會俾你帶走樂生。」媽媽捉住我向後退。

「子予，你係時候面對現實。而家嘅你係三界之外，又有乜嘢本事去拯救佢？」被喚作『惜時』嘅聲音變得無奈。

惜時口中所指嘅「佢」，係我？我會發生乜嘢事？而死去嘅媽媽，又點解急住要帶我離開？

「我唔理，我要用自己嘅方式保護樂生。」媽媽一把從後擁抱住我。





「我已經錯失左好多同佢一齊既時光，我一定要保住佢。惜時，如果你仲當我係朋友，就隻眼開隻眼閉。」媽媽以倔強嘅眼神望向黑暗處。

「對唔住，呢個係兩個世界嘅規矩。如果你點都要帶走佢，我就係呢度殺左佢。」

冰冷嘅聲音反映住說話者嘅冷酷無情。人世間本來就係咁，虐者永遠被強者欺壓。連生命都被其他人主宰，呢種感覺真係好恐怖。當生命都唔屬於我地嘅時候，又剩低幾多嘢可以由自己去決定？

「就因為上一代嘅意外，要連累下一代去承擔？你明知個個係一個善意嘅意外。」媽媽無奈地搖搖頭。

「呢個已經唔單止係你地兩個人嘅事。蔣樂生嘅存在只會導致更多嘅死亡同犧牲，呢個係必然嘅事實。倒數已經開始左，子予你又可以阻止到幾多？」惜時以責備嘅語氣說道。





「我一定可以證明俾你睇，樂生絕對唔會成為兩個世界嘅禍患！」媽媽一把將我向後推，我頓時失去平衡。眼睇後腦正要落係身手不見五指嘅平地上，我反射性地想要捉緊媽媽嘅手，卻發現乜嘢都摸唔到。

媽媽，甚至係惜時，都已經唔存在係呢個空間裡面。呢度，只有我一個，一個正要被命運宰割嘅羔羊。