點解當初好挽唔挽要同女神挽同居: 第九章 禮物(下)

所以最後，我地燒烤個組有:我，Amy，阿怡同埋阿輝。
到左開始起爐準備燒嘢食個陣我先發現一個問題，就系原來我比Amy同阿怡三文治咁夾住坐。
我系中間都唔知點算好，見到阿輝個眼神系度嘲笑我咁樣。
佢兩個好似發曬癲咁狂燒嘢食跟住仲要擺曬落我隻碟到，搞到我燒左4個字嘢食就已經飽曬。
「我見你兩個狂咁燒嘢食比我自己都好似無乜點食過嘢....你地食啦，唔使比我啦。」我已經飽到個肚多左個圈。
至於阿輝，佢頭5分鐘已經自己消失左，話隔黎火好似大啲跟住就走左........
無幾耐之後，我地三個都食飽，個阿輝呢，就唔使理佢啦，次次都賣甩我。


我今朝諗緊食飽之後個free time做乜好，最後決定左帶個飛盤去挽。




我同班籃個啲人分好曬隊，順便可以夾下默契。
我地用國際比賽既規矩去挽，邊個攞住飛盤企系條線後面就有分。
我地就咁挽左差唔多一個鐘，全部人都差唔多熱死。
「阿言！睇住阿！」我正打算去樹蔭下面休息下個陣，一個飛盤高速飛埋裏車落我個頭到。
「阿.....」我個頭好暈，之後就無曬知覺。
之後好似過左一段時間，我慢慢咁醒返。
「你醒啦？」阿輝問。
「我暈左幾耐？」我問佢。
「差唔多個幾鐘啦，我啱啱唔小心飛太大力阿，對唔住。」阿輝啲力唔講得笑，飛個飛盤都飛得暈我。
「唔緊要啦，你又唔系特登既。」我同佢講。




我見到Amy系隔黎都一面擔心咁望住我。
「點吖阿言.....你啱啱嚇死我啦，個飛盤飛得咁快撞落你個頭到。」Amy同我講。
「我無乜事架啦傻妹，老虎都打得死幾隻。」我同佢講。
「好心你就唔好一啲警覺性都無啦，依家搞到整親個頭啦。」阿怡都系隔黎。
「得啦得啦...下次我會注意架啦。」我同阿怡講。
我醒返之後就去揾網上面話睇日落好靚既地方，去準備一陣我要去做既事。


系解散時間之前，我已經揾好左個地方，所以就趕返去影埋張大合照就帶Amy去個度。
阿sir系郊野公園入面求其R左個人黎幫我地影相。




「好啦，大家自己解散啦，記得返屋企既時候小心啲，張相今晚我會send去班群架啦。」何sir講完之後就各自解散。
「阿言，我依家要幫我家姐去竹園交收，我走先啦。」阿怡講。
「我都醒起阿媽叫我早啲返去幫佢買餸煮飯食，我都走先啦。」連阿輝都走埋。
即系話依家得返我同Amy兩個人，系一個好機會。
「Amy，你想唔想睇日落吖？不如我依家帶你去睇？」我問佢。
「好吖！我未試過系香港睇日落架！」佢講。
系大約六點個陣我就帶左Amy去山坡上面一個涼亭仔度。
太陽慢慢開始收起刺眼既光芒，天空亦都好似比火燃燒得變成一大片紅色，慢慢咁樣，太陽差唔多消失系地平線上面。
我系我個袋到攞左我買既音樂盒出黎，將佢送比Amy。
「Amy，個音樂盒送比你吖。」我深呼吸準備之後講既嘢。
「呢個咪系我之前系精品店睇個個音樂盒？好貴架wor，點解你要買比我吖？」佢問。
「因為我想講......其實我發現系我地相處既呢段時間，我慢慢咁中意左你，我想同之後既每一日都可以同你一齊開心咁笑，一齊去面對唔同既嘢，所以你可唔可以做我郭俊言既女朋友？」我鼓起勇氣講曬要講既嘢出黎。
「多謝你個音樂盒吖，不過我已經有中意既人啦。」佢講出呢句說話既同時，我呆呆咁企左系度，個腦一片空白。
「我肚餓啦，一齊去食嘢啦。」
「仲企系度做咩吖傻仔，快啲行啦~」佢既面色都好似無乜點變過，但系我心情已經跌到落谷底。。




我毫無精神咁食完晚飯，返屋企既路上一句說話都無講到，Amy都好似發覺到，都無點撩我講嘢。
返到屋企之後，我衝左個凍水涼，想當今日既事無發生過咁，吹完個頭髮就去訓教。


我訓教既時候，我似夢非夢咁聽到一把聲音同我講
「蠢材，點解你到依家都唔明架.....」



中意篇文記得follow我ig留意出文狀況啦！
ig name : batmit_yin