點解當初好挽唔挽要同女神挽同居: 第六章 奇怪的感覺
一教訓醒之後，頭已經無再痛，而且身體都變返正常。
我好似平時咁換校服自己整埋個早餐食之後就出門口。
行到大廈門口出面之後我見到有一個熟悉既身影企左系度。
無錯，個個系Amy，佢企左系我屋企樓下等我返學。
「咦你終於出黎啦？」佢用一如既往既笑容面對住我。
「系阿行啦張小姐。」我彈左佢一下額頭。
「喂呀，好痛阿。」佢打左我一下，當然唔系真系個隻打啦。
我地就系度一路行一路挽咁樣行返學。
返到學校之後，好似平常咁處理班務，之後又系地獄中文堂。
「阿言吖，中文堂好悶ar，有乜挽阿。」Amy系我隔黎差唔多開始釣魚。
「em......我地不如挽true or dare？」我問佢。
「乜黎架乜黎架，好似好得意咁wor。」佢兩隻眼好似識發光咁望住我。
「嗱，我依家就拋銀仔，如果在拋到字就我挽，拋到公就你挽，真心話就系等人問你一條問題，而大冒險就系要你做一樣嘢，乜都得，你明唔明？」我解釋比佢聽點挽。
「識啦識啦，快啲拋啦~」佢好似好興奮。
我「叮」一聲咁拋起左個銀仔然後用手背接住。(唔好問我點解老師無罵，呢篇只系小說:))
我縮開遮住銀幣既手，結果系字。
「拋到字ar，你問我一條問題啦。」我同佢講。
「你有無拍過拖架？」佢問我。
「我A0阿，咁又點姐。」我答佢。
「乜嘢叫A0阿？」佢又開始左問題連發。
「A即系Available單身，而數字就系拍拖既次數。」我好有耐心咁答佢。
「下乜原來你未拍過拖架？」佢系度忍住笑。
「系阿系阿，我A0我自豪。」講完之後我彈左佢一下額頭。
「喂呀你又彈我額頭！」佢申左隻手出黎想搣我但系比我避開左。
「做乜成日彈我額頭wor！」佢好似好嬲咁，但其實一直忍住笑。
「鬼叫你笑我A0！」我又準備好彈額頭姿勢。
「得啦得啦，快啲拋下一個啦！」佢叫。
我又拋起個銀仔，最後既結果系公。
「成日問問題都唔好挽既，我要挽大冒險！」佢講。
聽到佢咁講，我決定挽佢一次。
「咁吖，你就搬去同我住啦，反正我屋企無人，阿爸阿媽去曬公幹。」我露出一個陰險既表情。
「癡線！你傻左阿！」佢一隻九陰白骨爪咁搣埋黎，差啲痛到我大叫。
「得啦得啦唔挽啦，睇死你都唔夠膽上黎架啦~」我笑住咁同佢講。
「等我考慮下先啦。」系個刻我以為佢系度同我講笑。
「今日就教到呢度啦，各位同學再見。」不知不覺中文堂已經上完。
今日lunch系我同出去食飯，因為Amy已經有左自己既社交圈子，唔系淨系以前淨系識睇人傾計既人。
「今日你同Amy兩個上堂好似挽得好開心咁wor，有講有笑，去馬未吖？」阿輝系我隔黎陰陰嘴笑。
「我同佢好朋友黎架咋！你唔好亂諗嘢。」我同佢解釋返。
「哦，好朋友，明曬明曬，知唔知好似有form six既師兄睇中左佢wor，因住無啦啦比人食左都唔知發生乜事阿。」唔知點解佢講到呢到個種奇怪既感覺又出左黎。
「喂！hello！！」阿輝系我隔黎大叫。
「蛤！做咩吖。」我比佢嚇左一跳。
「我見你啱啱入左冥想狀態咁樣wor，呢排唔夠精神？」佢問。
「唔系阿，我諗緊啲嘢姐。」我同佢講。
「有乜嘢食完先諗啦，我依家好撚肚餓阿。」佢個樣成個三日無食過飯既人咁樣。
不過到底個種感覺究竟系乜嘢感覺，我到依家都搞唔清楚，唔通.......
同阿輝食完lunch之後返到學校，見到學校個SU好似會搞活動。
「阿言，我地不如去睇下咯。」阿輝講。
「好阿，是但咯。」我跟住佢行到去壁報板個度。
「兩星期之後有班籃wor，我地一齊報啦！」阿輝舉動異常地興奮。
「是但啦，你幫我報埋佢咯，我入場射波架咋。」我一路都唔系好睇重呢啲比賽，當留個回憶比自己咁咯。
「得啦得啦，陣間返去揾隊友。」實不相瞞，阿輝系我地學校籃球隊既皇牌控衛，因為啲隊友唔給力，所以都系得D3。
過左一陣之後，阿輝已經揾齊曬班入面啲籃球隊，睇黎呢兩個禮拜都要日日陪佢地去練波。
lunch完左之後得返兩堂，我見到Amy好似掛住諗嘢咁，我都無去撩佢講野。
放學個陣Amy執好書包之後拜拜都無聲就直接自己走左去。
「喂阿輝，Amy好似有啲古怪。」我同阿輝講。
「佢做咩？」佢問。
「我唔知吖，佢上堂個陣一句說話都無講到，啱啱連拜拜都唔講就自己走左去。」我答佢。
「不如我地睇下佢做乜？」阿輝講。
「依家追出去應該仲講得切。」我講。
我地兩個拍卡之後就跑左出去，無幾耐之後就見到Amy同form six 個師兄系度講緊啲嘢。
我見到佢地兩個唔知點解成個人灰曬。
「得啦，我地唔好阻住人啦。」我同阿輝講。
「咁.....好啦。」估唔到佢咁順攤。
我地之後返左去屋企樓下士多，買左支波子汽水去公園揾地方坐低飲。
「唔好咁灰啦，大不了咪揾多一個。」佢安慰我。
「其實我都唔知我系咪中意左佢，個種感覺好奇怪。」我同佢講。
就系咁我地系公園坐左幾個鐘頭，個天都黑曬，我同阿輝都各自返屋企。
「你有乜嘢記得同我講阿，唔好收埋收埋。」阿輝講。
「得啦，我想返去訓一教先。」
返到屋企之後，我沖完涼求其食左啲嘢之後就飛落張床到。
我系張床到諗，究竟Amy今日同個師兄系到講乜嘢，同埋自己系咪真系中意左佢。
諗下諗下就訓著左........
「鈴鈴鈴鈴鈴鈴鈴鈴....」
「屌半夜三更邊個打黎阿」我彈起身成隻僵屍咁講。
「又話你睇死我唔夠膽上黎住？開門啦」一把好好聽既聲系電話入面傳出離。
我同佢既故事就系咁正式開始左。
聽日會繼續出！
中意既記得禁追稿同follow我ig~
ig name : batmit_yin