點解當初好挽唔挽要同女神挽同居: 第五章 夢

「喂，同學夠鐘起身啦!!...... 喂,同學夠鐘起身啦!!」我個鬧鐘響起.
「呃......個身好重.....」我個頭好似生仔咁痛。(唔好問我點解知生仔有幾痛)
我用盡我食奶既黎爬去櫃到攞左探熱針出黎量下自己究竟病到乜嘢程度。
「哇屌....40點幾度，明明尋晚好地地架....」我已經就黎燒上腦。
我打完個電話去學校請假之後就直接飛返落張床到訓。
系張床訓個陣我好似發左個夢......


夢入面既我好細個，大概只有8，9歲。
我同一個女仔系公園入面挽得好開心。

「阿言不如我地挽捉衣因吖，輸左個個人要答應贏左既人一樣嘢。」個小女孩講，
「無問題，怕你吖~」我答佢。
之後我地系公園入面挽左好耐好耐，挽到個太陽都差唔多落山。
「嗱！阿言你輸左，你要應承我一樣嘢！」小女孩講。
「好阿，怕你阿~」個陣挽得好開心，根本唔會計較乜嘢輸贏。
「我要你第日大個個陣唔好忘記我，做我未來既老公!!」小女孩好天真咁講。
「好吖，未來老婆！」個陣仲細個，根本仲未識呢啲嘢。
「好啦，XX。今晚要搭夜機走啦，快啲過黎啦！」媽媽叫緊小女孩。
「好啦，我要走啦，記住唔可以忘記我阿！」講完之後佢就跟佢媽媽走左。
「唔好走阿，XX！！」我大叫。






「唔好走阿！！！！」我從夢入面醒返。
「乜嘢唔好走阿，我咪系度咯，唔使咁唔捨得我既。」坐系我張床既系阿怡。
「無嘢.....我頭先發左個噩夢姐。」我個頭都系暈暈地。
「訓返低啦！好彩你阿媽臨走之前比交低左條鎖匙比我咋，唔系既話你病到七彩都唔知邊個黎照顧你。」佢講。
「你點知我今日病左架？」我問佢。
「無阿識左你咁耐返學都唔會無啦啦請假既，唔系病仲可以系點吖。」阿，佢又講得有道理。
「你依家仲有少少燒，食多兩次藥再訓埋今晚應該都無事架啦。」
「唔該曬你阿，如果無你系度既話我應該病死左都唔會有知發生乜事。」我向佢道謝。




「少事姐，識左你幾耐阿，仲計較呢啲咩。」佢講。
「好啦，我要幫阿媽買餸煮飯啦，你好好地休息唔好亂黎阿。」佢行出我屋企大門。
「唔該你阿，拜拜。」屋企又剩返自己孤零零一個。


我攞返手機出黎睇，原來已經六點幾。
我睇返whatsapp，原來Amy send左幾個信息比我
「阿言你今日做乜嘢唔返既？今日上堂好悶:(。」
「你病左阿？有無事阿？」
「記得睇住自己身體吖。」
我回覆:「我今日發左40度燒阿，不過依家都無乜嘢啦，聽日應該可以返學架啦。」
過左幾分鐘之後，whatsapp又收到信息。
「以為你死左唔覆我whatsapp吖(喊emoji)」
「傻既，發個燒好難死人架wor(笑喊)，聽日我就返學啦。」
「你嚇親我！我要你請我飲蘋果綠！」之前幾日系學校請左佢飲一盒蘋果綠，佢依家上曬癮.....




「好啦好啦聽日先啦，我依家休息多陣先啦，聽日見啦。」
「記得唔好再病啦，你應承左我請我飲蘋果綠架！」佢又系到屈我請佢。


呢個時候我個腦又彈左個畫面出黎.........
「嗱！阿言你輸左，你要應承我一樣嘢！」
「好阿，怕你阿~」
「我要你第日大個個陣唔好忘記我，做我未來既老公!!」
「啊！！」個頭突然間又開始痛。
「個個到底系乜嘢夢........」
我決定落街散下步，等自己唔好成日焗系屋企。
當我經過我屋企樓下個籃球場個陣，我見到阿輝系度打緊波。
「喂！阿輝！」我叫佢。
「咦，阿言，你今日病左吖？做乜唔返學既？」佢問。
「系吖，我今朝40度燒阿，差啲死系屋企。系呢，你食左嘢未阿？一齊？」我問佢。




「可以阿！」佢答。
我地去左附近一間超好食既粥鋪，個度啲粥又平又大碗又好食。
我叫左碗鹹肉粥食之後就同阿輝系度傾計。
「唔好意思阿，要你陪我系度啃粥。」我同佢講。
「唔緊要啦，你病啊嘛，一世人兩兄弟緊陪你既。」
「話說呢今日病訓系屋企個陣發左個好奇怪既夢。」我想同阿輝講個夢啲嘢，睇下有無頭緒。
「咩夢吖？」佢問。
「我夢到我細個個陣同一個細路女挽得好開心，最後我好似應承左佢唔可以忘記佢同埋佢要做我老婆，但系我又無印象個女仔叫乜名。」我講夢入面啲嘢簡單同阿輝講。
「可能你平時太大壓力先發到呢啲夢啦，返去休息多啲啦。」話唔定我平時真系壓力大得制。
過左一陣之後，我同阿輝就各自返屋企。
返到屋企之後，我衝完個涼之後就攤系張床到。
「個夢到底系乜事......」我仲系到諗關於夢啲嘢。
「算啦唔理啦訓醒先諗啦。」我再一次訓著。








多謝大家支持阿，如果中意既話記得禁返追文同follow我個ig，個ig時不時都會po嘢架。
ig: batmit_yin