[民初風月] 粵語殘咸片: 第十四章

銀針瞬間變成黑色, 而所拮針之處仲泛起住絲絲嘅黑煙, 少女眉頭一皺, 表妹見咁就好緊張咁問住少女, 「奇哥點呀? 奇哥仲有無得醫呀? 究竟點啫? 妳出句聲嚟話比我知啦。」

少女企咗起身同坤叔講 : 「果然, 佢中嘅就係孫碧蓮嘅……七級梅毒加九級花柳再加已經變種嘅椰菜花毒。」

眾人聽到咁, 而企響奇哥身邊嘅四兄弟即時就嚇到彈開到九丈幾咁遠。

少女響包袱內攞咗一個小樽同幾包藥粉出嚟, 跟住就先將啲藥粉灑落奇哥嘅身上各處, 然後再將小樽內嘅藥粉倒入奇哥個口度。

「坤叔, 而家你先將佢搬去放響啲禾桿草上面, 禾桿草愈多愈好, 等一晚過後睇佢進展情況我先再作打算。」



眾人雖然唔係咁願意掂到奇哥, 但少女既然咁講到, 各人亦唯有頂硬而上。

搞掂奇哥後, 眾人好奇少女點解會識得醫治奇哥, 少女聽到之後就講出原因。

少女名字叫呀玉, 而響佢出世果陣就因為比親娘遺棄響街上, 但好彩當時有個老者咁啱經過將佢抱走並撫養成人, 而呢個老者亦就係有再世華佗之稱嘅藥仙子嘞。

就因為呀玉當時身上懷有一個玉咀, 所以藥仙子就幫佢改咗個名叫呀玉, 得此機緣, 呀玉從小就跟隨養父上山採藥同學習醫術, 而呀玉就因為天資聰敏, 強記醫書, 所以響佢未到十歲之時, 呀玉啲醫術就已經叻過好多響市集內行醫嘅大夫。

至於呀玉點解會知奇哥身上係中咗碧蓮嘅毒, 原來響無幾耐之前, 呢個孫碧蓮就曾經去搵過佢養父醫病, 但經養父檢查過之後, 發覺佢呢一身惡疾已經令佢蝕骨入腦, 而且呢個人就算可以醫得好身上嘅病, 但亦唔能夠醫得好佢個心。



所以藥仙子明知佢仍會禍害人間, 但為著蒼天同他朝有機會遇到比佢害過嘅人到嚟求醫, 所以藥仙子仍好努力咁為佢醫治, 但大病未愈, 孫碧蓮仍到處四圍去惟害人間, 好彩養父剛好及時研製咗呢種藥出嚟, 而咁啱今日有緣響街上遇到坤叔, 所以呢一切亦總算係奇哥嘅福份嚟。

「哦………」

眾人同聲哦完之後, 呀弟跟住就好緊張咁問住呀玉, 「但點解我同樣掂過呢個妖女, 但就好似無咩病徵咁嘅?」

呀玉就話 : 「因為當時你哋已經將佢嘅毒轟番過去佢體內, 但為求穩陣起見, 我都會比啲藥粉你哋食嘅。」

第二朝, 眾人一齊去柴房度裝吓奇哥, 嘩, 果然, 一個皮膚白滑更勝從前嘅奇哥, 正擺住姿態咁坐咗響禾桿草上面, 而奇哥身下嘅一大堆禾桿草, 就正盡數吸晒奇哥身上嘅毒而變成一片枯黑色, 而表妹見倒呢個變番靚仔嘅奇哥之後, 跟住就已經開心到彈上半空咁滯。



午飯過後, 呀玉正響柴房幫奇哥再做檢查嘅時候, 已經好得八八九九嘅奇哥正望住眼前將佢醫好嘅靚女, 靚女五官標緻, 身材誘人, 而佢烏低身幫奇哥做檢查嘅時候, 領口之內仲可以昅倒果條深深嘅乳溝。

奇哥望到已經大支嘢, 跟住見佢開始使出看家糖水蜜語本領嚟同呀玉講。

「呀玉, 妳個人唔單止個樣靚, 而且身材又係咁好, 醫術就更加不在話下啦, 但既然我條狗命係妳幫我執番嚟, 咁奇哥亦無以為報, 但若然唔介意嘅話, 奇哥就決定以身相許嚟報答妳嘅救命之恩, 所以唔知呀玉妳嘅意下又會係如何呢?」

對住呢個溝女王奇哥, 純過白紙嘅呀玉居然比佢搞到唔知點應佢至好, 但奇哥就係咁凝望住呀玉, 而對死人眼就係咁昅住人哋對小籠飽, 33, 23, 32, 五呎四吋高, 中等身材, 長頭髮, 人肉掃瞄器繼續運作住之中。

年齡 : 介乎十七至十九歲之間
樣貌 : 無得頂
聲線 : 中調而富有磁性
性格 : 溫婉可人
可食程度 : 五個蘋果
處女程度 : (計算中) ………極高