[甜到漏] 人妻, 淫妻: 第十一章

離開左蘭桂坊後, 行左一陣, 身後突然正響起車聲響號, 「呀嫂……」 我回頭望吓, 係大伯父個仔偉文響架車上大嗌住我, 「呀嫂, 呼, 終於都比我搵倒妳嘞, 妳上車先啦, 呀爸佢話有事要搵妳傾呀!」

大伯父一家都算係忠嘅, 我亦已經再無地方可以好去, 我上左偉文部車, 房車過左九龍之後, 跟住好快, 就已經到左西貢某個地方嘅村屋門前。

車停低左, 「呀嫂, 呀爸佢就響入便…」 偉文同我落車入到屋後, 大伯父一見到我黎, 跟住就好緊張咁上前拉住我隻手咁黎帶我坐低左。

老人家大伯父正一面慈祥咁拍住我隻手背, 「Cecilia…妳無事吖嗎? 唉, 尋晚就真係難為左妳, 果班人全部都正一係孽畜黎嘅, 連偉文同佢地無咩兩句都覺得睇唔過眼,  Cecilia, 我知妳的家人係響哂外國度住, 而妳一個人留響香港又係無人無物…..

原本今次我地番黎係想見一見的舊街坊同佢地聚吓舊咁嘅, 跟住再順便將我響香港的物業買哂出去黎吐現, 然後就全心全意咁留響外國度生活, 但勢估唔到尋晚就比我見到發生左的咁荒謬嘅事…… 



Cecilia, 我同偉文傾過架嘞, 而家我地就只係仲爭呢間屋未曾賣倒出去, 既然係咁, 我地就打算將呢一間屋用黎留番比妳住, 等妳可以唔使比果班孽畜迫得妳咁辛苦!」 

「大伯父, 唔可以咁架…」 大伯父再拍住我隻手背示意我唔好拒絕。

大伯父再感慨住咁話, 「五年前, 我番黎香港嘅時候, 當時妳都仲未嫁比呀發果陣, 我又係打算搵佢地出黎食餐飯, 果陣時我都已經搵到的錢但佢地就仲未曾知道, 結果就係無人肯出黎同我地去食飯同見面, 剩係得呀發帶左妳出黎介紹比我地認識。 

果日, 呀發佢又係話有事要自己走先, 但妳就反而肯主動咁陪左我地成日, 我仲記得果日妳帶左我地上酒樓度食飯, 食完跟住妳仲靜雞雞咁走去埋單爭比錢, 之後妳仲驚我會跌親咁扶住我行, 果日嘅事, 直到今時今日, 大伯父都依然仲係未曾忘記嘅!」

我已經聽到眼紅紅咁搖住頭, 而大伯父就仍在繼續……



「唉, 大伯父雖然係老, 但起果陣時我就已經挑通眼眉, 響佢地班人之中, 邊的人到底先係真心, 而邊的人就會係假意其實我都已經一清二楚!」

我聽到之後已經有的忍唔住, 「大伯父…」

「Cecilia, 大伯父雖然唔係見過妳好多次面, 但妳嘅為人, 大伯父個心其實係好清楚嘅, 唔怕老實同妳講, 大伯父一早就已經當左妳係細侄女咁看待架嘞。

今次我地已經番左黎成個月, 再過多幾日我地都要番去美國果便, 但聽日我就會叫偉文先去搵間搬運公司黎幫妳番去搬埋的野過黎, 不過妳就可以放心, 果班孽畜係唔知我有呢間屋響度嘅, 所以妳亦可以放心響呢度長住!」

聽到呢度, 我已經再控制唔倒自己係咁喊到收唔到聲, 而大伯父就繼續係咁努力安慰住我。



幾日之後, 大伯父兩父子終於都要走嘞, 而我亦真係搬左黎西貢呢間村屋度開始一個人居住, 呀發果便亦已經開始同我攪緊分居手續, 一切一切, 似乎都已經變成定局。

。。。 一 年 之 後 。。。

蘭桂坊酒吧之內, 酒保占美見到我到黎, 「Cecilia 咩今日咁早嘅?」 我亦笑住咁答佢, 「占美, 點解你總係十年如一日, 永遠都係咁好笑容咁嘅?」 

占美依舊微笑住咁為我斟住佢介紹比我嘅馬天尼加冰, 我攞左口煙出黎, 有個男人響我身邊經過為我點住口煙, 「呼, 唔該哂你喎, 靚仔哥哥…」 我喀左啖酒之後, 跟住我就依舊攞住部手機咁出黎捽住。

坐到九點零鐘度, 有客人開始響酒吧度醉酒鬧事, 占美打住眼色咁同我講, 「Cecilia, 不如妳聽晚先至再黎過啦!」 我微微咁點一點頭, 跟住就向住酒吧出便方向行去。

行到落電車路之後, 我正想落去地鐵站度搭車之際, 對面馬路有一架私家車正開始慢駛住, 車正停左響我嘅對面馬路, 司機亦開始行左落車。

我無為意到對面馬路, 直到有個男人企左響我前面, 我先清楚睇到呢個男人究竟係邊一個, 哦, 原來就係我個仆街衰人老公呀發。
 
「Ceci……」 內心一陣激動嘅情緒突然之間湧現住, 但好快, 湖水亦漸歸於平靜, 我正面無表情淡淡然咁同佢講, 「咁啱呀……黃生!」



「Ceci, 咩…真係妳黎架, 我仲以為認錯左人添,  Ceci妳……妳真係變左好多呀……」 

見佢對眼望住我胸前條波罅, 同埋紅色連身短裙下嘅一對大脾位置, 一副好似響蘭桂坊內果的想當我做獵物嘅麻甩佬眼神一模一樣, 就響呢一刻, 我就更加對眼前呢個人更覺憎恨。

當然, 響呢一年來, 就係因為呢個人過去對我所做成嘅傷害, 所以我就決意好努力咁去積極收身同護膚美容, 我特意走去上化妝班度學化妝, 衣著鞋襪方面我亦開始注重顏色嘅配搭, 而我最後就選擇左紅色為我嘅主色。 

揀紅色嘅原因係除左係我要響往後嘅日子, 就要好似紅色咁璀璨耀目之外, 另外紅色亦同時係帶住有少少仇恨嘅成份, 我會每每咁提醒住自己, 我每一日都要為自己嘅快樂而生活落去。

見佢好似比我而家嘅外表剌激住咁, 我知我響呢一年嘅努力係絕對無白費到嘅, 我冷冷咁蹺住雙手再同佢講…..

「點呢黃生? 我同你之間都好似已經再無任何嘅關係, 你而家跑過黎, 到底係想睇吓我點折墮吖? 定抑或想話我知你而家係有幾咁幸福咁呢?」

「唔……唔係,  Ceci 妳唔好誤會住, 我其實……」 見佢個樣就好似初初識我果陣時, 想同我去爆房果個喉急樣咁一模一樣, 跟住我就又同佢講…..



「點呀黃生, 咩你對我仲會有興趣嘅咩? 嘿, 以前就算我除埋條底褲落黎磨你你都唔會去理我, 但而家黃生你居然仲識得會用的咁嘅眼神黎望住我, 點啫? 咩我仲能力可以令你硬倒嘅咩?」

「Ceci, 我……」 我突然醒起一的野, 「呀係嘞, 你仲記唔記得我地曾經一齊去買嘅果一對男女裝勞力士錶呀? 果隻女裝錶係我自己比錢黎買嘅, 果陣時對錶我地唔捨得戴, 所以就放埋左響一二便度, 而果次我搬野果陣就一時醒唔起, 所以而家我想你將隻錶攞番黎比我!」

「隻錶…我仲放左響屋企度, 咁啦 Ceci, 妳比妳而家住緊嘅地址我, 等我得閒就揸車去將隻錶攞番黎比妳啦好唔好呀?」

我嘿左一聲, 「黃生, 你唔係將我隻錶送左比果個閪女人吖嗎?」 「唔係, 唔係, 隻錶都仲響我屋企度擺住….」 「咁就唔好再等第二日嘞, 我而家就跟你番去攞番隻錶, 咁有無問題呢?」 「而家….?」 「係, 就係而家, 點呀? 唔方便呀?」 「唔係……方便…方便….」
 
(待續)
 
圖述

絕處逢生, 上天果然真係有好心之德