是咁的，我嘅職業係ptbf: 405.金琉玹

miki話，阿螢有一日突然搵佢

「唔該，你係唔係幫人寫遺書架？你會唔會有其他同行呀？」

「以我所知就得我一個做啫。」

「我可唔可以拜託你一件事？」

「可以呀？」



「我有個朋友⋯⋯爸爸因爲我嘅關係過咗身，我驚佢會自殺，如果佢搵你寫遺書，你可唔可以通知我？」

「無問題呀，你朋友叫咩名？」

「佢叫金琉玹。」

我有啲錯愕：「但係⋯⋯如果我唔寫遺書直接自殺⋯⋯」

阿螢喺我懷中用力搖頭



「唔會⋯⋯你知道我因爲伯父嘅事而自責，你唔會唔理我就自殺架⋯⋯你知如果你就咁死咗，我都會去死，所以你一定會諗辦法同我講清楚架⋯⋯」

我笑咗出嚟：「憑咩⋯⋯咁覺得？」

miki插嘴：「關於依點我同阿螢嘅睇法就唔同喇。」

阿螢答：「因為你比任何人都溫柔⋯⋯所以你唔會想我死⋯⋯」

miki答：「因為愛呀。」



阿螢搖搖頭：「金仔講過⋯⋯唔會愛我⋯⋯」