是咁的，我嘅職業係ptbf: 398.不必等我回來了

「咁呀⋯⋯」佢兩個有啲猶豫

我推佢兩個嘅背脊

「得架喇，我今日出咗成日街攰喇，翻到去就沖涼訓架喇。」

佢地見我咁，就話：「你攰就唔阻你休息喇。浩然，啲酒點呀？」

「咪去碼頭飲咯。」



佢地兩個向碼頭出發

我目送佢地嘅背影，一步一步遠去

這是最後一次了，就讓我目送到最後

兩個背影同一時間回頭

佢地回頭嘅瞬間，我嘅眼淚幾乎自己標出嚟咁滯，差啲忍唔住



「流星號等你翻嚟架喇。」浩然同李星異口同聲咁講

「嗯。」我點點頭

不必等我回來了

趁住佢地轉身，我又轉身，揞住口，令自己唔好喊出聲，慢慢行入大廈