是咁的，我嘅職業係ptbf: 366.囍帖街

睇完套戲出嚟，老豆問我跟住去邊

我話係秘密，叫佢跟住我

根據我嘅記憶，媽咪帶我去過一次嘅地方

嗰陣嘅我大概十歲左右，雖然記憶有啲模糊，但唔多唔少仲有印象

「間間舖頭都唔開門嘅？」



「比政府收購哂喇，唔開架喇。」媽咪拖住我，喺街道漫步

白色漁夫帽、淺藍色嘅棉織碎花冷衫配上長至小腿嘅米白長裙，永遠留喺我記憶之中

「咩係收購？」

「即係比人買咗，以後唔使做生意喇。」

「咁佢地以前做咩生意架？」



「印刷。」

媽咪話，依條叫做囍帖街