是咁的，我嘅職業係ptbf: 359.你係女仔咩？

「因為佢咁話我，你嬲？」

為我生氣，代表我是你重要的人

老豆無望我，反一反白眼：「好心你廿幾歲人咪咁多性幻想啦。」

「係係係，你話乜咪乜。」我露出勝利者嘅微笑

由以前到而家，都係咁唔老實



「咁你事實上做緊嘅兼職男朋友又係咩一回事呀？」

我諗一諗，就諗翻阿文嘅譬如

其實真係好貼切

「當一個女仔失去心愛嘅人，而被心痛每日每夜折磨嘅時候，我就係止痛藥。」

老豆望下我



「你做緊，我嘅止痛藥？我唔痛喎。」

仍然係，咁唔老實

咁我就奉陪到底

「無人話做你止痛藥喎，你係女仔咩？死老野。」

佢冷哼一聲：「哼，死仔包。」



你係女仔咩？

你係我老豆