是咁的，我嘅職業係ptbf: 354.你今日係我情人

「你搞乜鬼呀今日？」

「食啦你。」

老豆又將碗飯推比我：「金仔，唔好將自己最好嘅野比人，你咁做，即係同人講，嗰個人好重要。」

係呀，好重要

「咪煩啦死老野，你今日係我情人，我想點對你就點對你！」



聽到「情人」兩隻字，老豆呆一呆，然後搖搖頭露出難以置信嘅表情問：「你噏乜話？出櫃呀？出櫃都咪搵老豆嚟搞喎。」

「我一路做緊ptbf，今日你係我客人，咪再阿支阿助。」

「乜乜f話？」

「即係兼職男朋友。」我一手指住老豆：「總之我今日係你男朋友，我係要將你睇成最重要嗰個，吹咩？收錢架！」

面對我突如其來嘅告白，老豆一時之間都唔知講乜好，我諗佢實係太多問題，未整理好問邊個先



隔咗陣佢先問：「做乜無啦啦要做我兼職男朋友呀？無錢洗我直接比你咪得，唔使搞咁多野架喎。我唔需要兼職男朋友喎。」

「需唔需要唔到你話事，我話係就係。」反正都洗濕咗個頭，依家退縮成件事就會好樣衰，亦唔會有下次機會，所以點都頂硬上啦

佢聽到成個樣變咗唔撚係卦樹熊

我推翻碗飯過去：「趁熱食啦。」

老豆挑起單邊眉毛：「唉無你收，怕咗你喇，你話點就點。」