是咁的，我嘅職業係ptbf: 340.向流星許願

「死仔咒我十年都未放得低下話？」浩然一手環住我條頸

我即刻拎手機出嚟，李星都拎手機

「我而家比人用納爾遜式鎖鎖住，就嚟頂唔順喇！」

「納爾遜式鎖咁濕碎，你而家豎起兩隻手指，四十五度角，往上插！」李星比指示

我照做



「點呀？插唔插到佢對眼？」

「無呀，我淨係叉住個鼻窿咋！」

「咁你挖啦挖啦挖哂佢啲空氣出嚟！」

我地三個就咁吵吵鬧鬧咗一輪，玩到攰就訓喺地上面休息

由中學到而家，一直都無變過



如果愛情同友情一樣，世界可能美好好多

「啊，流星。」

「邊度邊度？」

我指向夜空，今晚天空無乜雲，好清晰

白色嘅星河軌跡之間，閃過一條銀色嘅弧線



「許願啦仲望！」

一粒、兩粒、三粒

我向流星許願

希望我地嘅友情，直到永遠