是咁的，我嘅職業係ptbf: 328.陪我

我重新打電話過去，但阿螢直接收我線

睇嚟佢真係好嬲

算啦，等佢下左火先搵翻佢

再打電話

「喂？點呀死仔？」老豆玩世不恭嘅聲音傳嚟



係時候喇

我深呼吸一口氣

「老豆，星期六下奏到夜晚得唔得閒？」

「搞咩先？」

「我⋯⋯我想約你。」



「咁驚喜？不過唔得啦，我嗰日約咗candy、mandy同sandy呀，陪唔到你咯。」

有一瞬間，我想退縮，諗住話：「咁算啦。」

唔好！唔好再縮沙！今次！要做就今次！

「老豆。」我合埋眼，下定決心

「點？」



張開眼，我話：「唔好去。」

陪我