是咁的，我嘅職業係ptbf: 319.取決於
「我拒絕。我地嘅負責範圍只係ptgbf，正常男朋友唔屬於我地嘅範疇。喂大佬，唔通我地對對情侶都管喇喎？」
一開始打比alex叫佢幫手，佢堅決拒絕
「組織就係咁，永遠拘泥於程序、範圍同規則。」
就好似警察見到有人受傷，但話自己唔係救護員所以坐視不理一樣
「我唔係問緊你嘅組織，我只係問你咋alex。你地嘅目標雖然係專爆呃蝦條同破壞人地感情嘅賤男，但信念唔通唔係⋯⋯唔想見到有人喺感情上被人呃，受傷害咩？」
「問我⋯⋯？」
「我未確定對方實際上係咩人，只係準備去確定。我想你在場，如果到時發現佢唔係咩賤男，咁你咩都唔使做。即使發現佢係賤男，你都可以選擇唔幫我架。」
可唔可以引發到alex出手，取決於阿潤到底有幾賤