是咁的，我嘅職業係ptbf: 300.愛情與舞蹈
「或者係因為⋯⋯我第一次將所有雞蛋放埋一齊⋯⋯所以好驚佢地會爛⋯⋯」
正正因為以前將所有雞蛋分開放，無咗一盆仲有第二盆，所以牛奶妹從來唔會驚
但當第一次將所有雞蛋放哂喺同一個兜，失去嘅恐懼隨即籠罩住佢
人就係要喺愛上人嘅過程之中，學習點樣面對有可能失去唯一愛人嘅恐懼同不安
一次又一次將所有雞蛋放喺同一個兜，慢慢拿捏信任嘅限度，喺相信同給予自由之間搵出平衡點
愛情就好似跳舞咁，完全唔在意伴侶嘅步伐，就會踩到對方，但過於在意伴侶嘅步伐，成隻舞又會生硬無感情
只有做到在意同唔在意之間，愛情先至美好，舞步先會好睇
不過以前從來無愛上一個人嘅牛奶妹，根本無辦法從一段關係中學習點樣跳舞
結果，太過在意，導致懷疑，太過驚失去，導致失去