是咁的，我嘅職業係ptbf: 286.剎那與瞬間

「我餵你。」

「我唔慣比人餵。」病咗啫又唔係殘廢

我想搶個碗同匙羹過嚟，但敏捷度唔及阿螢

「唔餵你都得嘅，你今日嘅身分終於唔係ptbf，咁我同你關係對等啦，你答我一個問題我就走人。」

「問啦。」



「點解要分得咁清楚，唔肯愛我？」

記憶回溯翻去我同第一個客人一齊嘅時候

「如果我唔愛你，但我扮愛你，會死人架。」

阿螢聽完，真係即刻轉身就走：「你飲完薑茶洗乾淨個壺先比翻我啦。」

我行出去準備鎖門



「做幾多野都好，唔愛就係唔愛。依個就係現實。」我話

愛情唔係話你付出幾多乜乜物物人地就會愛你，你追幾耐同對人幾好都無用，依個就係現實

我唔愛阿螢同阿螢唔愛嗰六百幾個狗公嘅理由係一樣

「唔愛同愛嘅界線，只有一刹那。」阿螢答

佢扭開我嘅門鎖，咔嚓一聲



「所有嘅愛情都係由唔愛變愛，你可以唔愛我幾年幾月幾日，但愛只係一刹那，就可以推翻所有唔愛嘅時間。」

我說，你可以愛我幾年幾月幾日，但不愛只是一瞬間，就可以推翻所有愛的時間

阿螢開門離開：「咁就睇下最後，係我嘅剎那定係你嘅瞬間會贏。」