是咁的，我嘅職業係ptbf: 282.沒資格

「你條友無比毛巾我咯，減分呀。」我抱住訓著咗嘅牛仔出去，就向阿螢抗議

「吓？！對唔住呀！漏咗！錫翻。」

佢錫翻我補數

沖完涼，洗去所有妝容嘅阿螢，同平時化咗妝都係無咩分別

「咁就算你啦。乞嚏！」



「哇你咁快就冷親喇？」

「無事卦，走咯。」

我一手抱住牛仔，另一手伸出，想比阿螢拖住

「唔使喇，你抱佢啦，得一隻手會好攰。」佢喺我身邊，調整步速同我並排行

就係咁，做ptbf嘅我，體驗家庭樂嘅一日就結束



分別嘅時候，阿螢抱翻牛仔，將錢交比我

「如果有一日，今日發生嘅事可以成真就好喇。」

「夜喇，翻去啦。」我向阿螢揮手

一如既往，我望住阿螢抱住牛仔嘅背影遠去

凡人的幸福，惡鬼不配擁有



即使想擁有，也沒資格