是咁的，我嘅職業係ptbf: 280.成真的魔法

「但你應該知，我係假架可？著一對假嘅玻璃鞋係唔會有幸福架。」

牛仔爬上滑梯一野瀡落水，水花四濺

「你有無睇過木偶奇遇記？」

「講大話個鼻會變長嗰個丫嘛。」

阿螢點點頭，佢話故事最後，仙子見到皮諾丘真心為爸爸好，所以施魔法令佢變成一個真嘅人類小朋友

「依個係童話，現實世界無魔法。」

所以假的永遠是假的

阿螢張開眼，嘟起嘴，捏住我個鼻：「現實世界都有令假變成真嘅魔法架。」

佢拉我個鼻，將我拉近，然後錫我額頭

「係愛。」