是咁的，我嘅職業係ptbf: 269.活在當下
當時嘅我⋯⋯回應咗啲咩呢？仲有套戲最後嘅結局又係點？
只係過咗兩年，舊日嘅場景已經變得好模糊，就好似一粒石頭跌入五米深水嘅泳池底
無論我點樣撥水面，始終無辦法睇清楚粒石嘅顏色同形狀
一開始在意想諗翻啲舊回憶，眼前套戲講乜就即刻睇唔入腦
我嘗試潛入水底，想知道嗰粒石頭到底係咩樣
係喇，我係咁回應
「我地喺時間嘅洪流之中，最後一定會回歸虛無。過去同未來都無我地嘅容身之處，唯一擁有嘅，只有而家依一刻。」
明明當時嘅我，都識得講出咩「活在當下」
但點解而家嘅我，一直比過去束縛？