是咁的，我嘅職業係ptbf: 263.金叔叔
當我喺廁所清理哂口入面啲擦膠碎再浪埋口，我同鏡入面嘅自己講，此仇不報非君子
一定要攞佢命
行翻出廁所，我再仔細掃描一次個豆丁
今年五歲，藍色短褲有前後四個袋，右手帶住一隻肥大嘅卡通手錶，個設計好似係入面放咗細細粒糖嗰種
上衣淨係印住妖怪手錶隻地縛貓，唔似放到暗器
但我極度懷疑佢個背囊裝住攞你命三千
「牛仔，依個係金哥哥，今日同我地一齊玩架。」
牛仔縮喺阿螢背後，抱住佢隻白滑大髀，小心翼翼伸個頭出嚟啤住我
「叫金哥哥丫。」
「金叔叔。」
手指關節不自覺啪啪聲