是咁的，我嘅職業係ptbf: 224.巴奧巴比樹
一棵大樹連喺球體上，有個人仔拎住碌棍
點點螢光綠嘅星星成為星球嘅背景
「依棵就係喺小王子星球上嘅巴奧巴比樹喇。」
乜鬼野名嚟架
奇奇指住個人仔：「佢就係小王子，say個hi丫。」
我勉勉強強同個人仔揮揮手
「佢⋯⋯種樹呀？」
奇奇伸出食指搖一搖：「錯喇，佢要剷走棵樹。」
佢話，小王子嘅星球久唔久就會自己生出巴奧巴比樹，如果唔及時清理，棵樹會愈生愈大，最後令成個星球四分五裂
我望一望棵模型樹
「棵樹都生得好大棵吓喇喎。」
「係呀，再唔清理，小行星就好危險。」
點點螢光，喺奇奇望住我嘅雙眼中游轉
我來替你清理，巴奧巴比巨樹
